އިދިކޮޅުގެ ލީޑަރު ރައީސް އަބުދުﷲ ޔާމީން އަބްދުﷲ ޔާމީން އަބްދުލްގައްޔޫމާއަށް އަނިޔާވެރިވާ ފަރާތްތަށް އިދިކޮޅު ކޮންގްރެސް ކޯލިޝަނަށް އޮޅިގެން ނޫޅޭކަމަށް ޕީޕީއެމްގެ ނައިބު ރައީސް، ނައިފަރު ދައިރާގެ މެންބަރު އަހުމަދު ޝިޔާމް ވިދާޅުވެއްޖެއެވެ.
ޝިޔާމް މިފަދައިން ވިދާޅުވީ އެމްޑީޕީގެ ޕްރައިމަރީ ނިމެންދެން ރައީސް ޔާމީންގެ އިސްތިއުނާފު މަޑުޖައްސައިފިކަމަށް ފާހަގަކޮށް، ޕީޕީއެމްގެ އުއްމީދަކީ އެމްޑީޕީގެ ރައީސް މުހައްމަދު ނަޝީދު ހޮވުންކަމަށް ބުނެ މީހަކު ކޮށްފައިވާ ޓުވީޓަކަށް ރައްދުދެއްވައެވެ. ޝިޔާމް އިތުރަށް ވިދާޅުވެފައިވަނީ ރައީސް ޔާމީޏްގެ މައްސަލައަށް އަތް ބާނާ ނުފޫޒު ފޯރުވާ އަދި ރައީސް ޔާމީން އަށް އަނިޔާވެރިވާ ފަރާތްތަށް ޕީޕީއެމް/ޕީއެންސީއަށް އޮޅިގެން ނޫޅޭކަމަށެވެ.
Raees Yameen ge massala ah aiybaanaa nufoozufoaruvaa adhi Raees Yameen ah aniyaaverivaa faraaiythah PPM-PNC ah olhigen noolhen. Madhama ge votah shauqeh neiy. Namugai 'Democratic' jahaigen madhamaaves haavaane hadi engey. 9 Sep gai rayyithun mi gahdhaarun verikamun baalaane IA. https://t.co/3LmzFyRrxn
— Ahmed Shiyam (@Shiyamaldives) January 27, 2023
މާދަމާ ބާއްވާ އެމްޑީޕީގެ ރިޔާސީ ޕްރައިމަރީގެ އިންތިހާބަށް ޝައުގުވެރިކަމެއް ނެތްކަމަށް ފާހަގަކުރައްވާ ޝިޔާމް ވިދާޅުވެފައިވަނީ ޑިމޮކްރަޓިކް ނަމުގައި ޖަހައިގެން އެ އިންތިހާބުގައިވެސް “ހާވާނެ ހަޑި” އެގޭކަމަށެވެ. އަދި ޝިޔާމް ވިދާޅުވެފައިވަނީ މިއަހަރުގެ ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި ރައްޔިތުން މި ވެރިކަމުގައި ތިބި ޢައްދާރުން ބާލާނެކަމަށެވެ.
ރައީސުލްޖުމްހުރިއްޔާ އިބްރާހިމް މުހައްމަދު ސާލިހު ވިދާޅުވެފައިވާ ގޮތުގައިވެސް އިދިކޮޅަށް ރިޔާސީ އިންތިހާބުގައި ކިރިޔާވެސް އުންމީދެއް އޮތީ އެމްޑީޕީގެ ޕްރައިމެރީއަށް ވަދެގެންނެވެ. އަދި ވިދާޅުވީ އެމަނިކުފާނަށް އެ ފުރުސަތު ގެއްލުވާލައި އިދިކޮޅުގެ އުންމީދުތަކަށް ކުރިއެރުން ލިބިދާނެކަމަށް އެބޭފުޅުން ގަބޫލު ކުރާކަމަށެވެ. އެމަނިކުފާނު ވަނީ އިދިކޮޅު ޕީޕީއެމް، ޕީއެންސީން އިންތިހާބަށް ބަސް ބުނާތީ އެކަމަށް ނުރުހުންވުން ފާލުކުރައްވާފައެވެ.
advertisment