ގާނޫނުއަސާސީގައި ބުނެފައިވާ ގޮތުގެ މަތިން ރައްޔިތުންގެ މަޖިލިސް މިއަހަރަށް ހުޅުއްވާ ދެއްވައި ރިޔާސީ ބަޔާން އިއްވަން ހަމަޖެހިފައިވާ މަޖިލީހުގެ ޖަލްސާ މަޖިލީހުގައި ތިއްބެވި އިދިކޮޅު ތަމްސީލްކުރައްވާ މެންބަރުން ހަމަނުޖެހުން ހިންގުމުން މަޖިލީސް މެދުކަނޑާލައިފިއެވެ.
މަޖިލީހުގެ ތެރޭގައި ހަމަނުޖެހުން ހިންގި މެނަބަރުން ތެރޭގައި ނައިފަރު ދާއިރާގެ މެންބަރު އަހުމަދު ޝިޔާމް ހިމެނިވަޑައިގަންނަވައެވެ. އަދި މަޖިލީހުން ބޭރުވުމަށް ޝިޔާމްގެ ނަން ރިޔާސަތުން ވަނީ އިއްވާފައެވެ.
އޭގެ އިތުރުން ނަން އިއްވި މެންބަރުންގެ ތެރޭގައި ފަރެސްމާތޮޑާ ދާއިރާގެ މެންބަރު ހުސެން މުހައްމަދު ލަތީފް ހިމެނިވަޑައިގަންނަވައެވެ. އަދި ފެލިދޫ ދާއިރާގެ މެންބަރު އިބްރާހިމް ފަޒުލް ރަޝީދުގެ ނަންވެސް ވަނީ އިއްވާފައެވެ.