ހޭންޑްބޯލް މޯލްޑިވްސްގެ މިއަހަރުގެ އެކްސްކްލޫސިވް ޑިޖިޓަލް ޕާޓްނަރަކަށް ދިރާގު ހަމަޖައްސައިފިއެވެ.
ދިރާގުން ބުނި ގޮތުގައި ހޭންޑްބޯލް އެސޯސިއޭޝަން އޮފް މޯލްޑިވްސް އާ އެކު ވެވުނު އެއްބަސްވުމުގެ ދަށުން ރާއްޖޭގެ އެކި ކަންކޮޅުތަކުގައި ޒުވާނުން ބާރުވެރިކޮށް ހުނަރުވެރި ހޭންޑްބޯލް ކުޅުންތެރިން އުފެއްްދުމަށް އެހީތެރިވެވޭނެ ކަމަށެވެ. އަދި އެ ޕާޓްނަރޝިޕަކީ ދިރާގުން ކުޅިވަރު ތަރައްގީކޮށް ޒުވާނުން ބާރުވެރިކުރުމަށް ކުރާ މަސައްކަތުގެ ދަށުން އެކުލަވާލި ޕާޓްނަރޝިޕްއެއް ކަމަށްވެސް ދިރާގުން ވަނީ ބުނެފައެވެ.
ދިރާގުންދަނީ ކުޅިވަރާއި އިޖްތިމާއީ ހަރަކާތްތައް ކުރިއަރުވައި އެކިއެކި ޕްރޮގްރާމްތަކާއި އިވެންޓްތަކަށް އެހީތެރިކަން ފޯރުކޮށްދީ އެފަދަ ޕްރޮގްރާމްތައް ކުރިއަށް ގެންދިއުމަށް އެއްބާރުލުން ދެމުންކަން ފާހަގަކޮށްލެއެވެ.