ރައީސުލްޖުމްހޫރިއްޔާ އިބްރާހިމް މުހައްމަދު ސާލިޙް ރިޔާސީ އިންތިހާބުގައި ވެވަޑައިގެންނެވި ހުރިހައި ވަޢުދެއް ވެސް ފުއްދަވާނެ ކަމަށް ޕްލޭނިންގް މިނިސްޓަރު މުހައްމަދު އަސްލަމް ވިދާޅުވެއްޖެއެވެ.
“ކުޑަގިރި” ޕިކްނިކް އައިލަންޑު ހުޅުވުމުގެ ރަސްމިއްޔާތުގައި ވާހަކަދައްކަވަމުން އަސްލަމް ވިދާޅުވީ، ރައީސް ސާލިހު މާލޭގެ ރައްޔިތުންނަށް ވެވަޑައިގެންފައިވާ މުހިންމު އެއް ފައުދު ފުއްދަވައިދެއްވައިފިކަމަށެވެ. އެނާ ވިދާޅުވީ، މި ސަރުކާރަށް 5 އަހަރު ވެގެންދާއިރު، ގެއްލުނު ދުވަސްތައްވެސް ލައިގެން ފެނިގެންދަނީ ރައީސް ދިވެހި ރައްޔިތުންނަށް ވެވަޑައިގެންނެވި ވައުދުތައް ފުއްދައިދެއްވަމުންދާ މަންޒަރުކަމަށެވެ.
އަސްލަމް ވިދާޅުވީ، އެމަނިކުފާނު ވައުދުތައް ފުއްދައިދެއްވަމުންދަނީ އެއްވެސް ބަޔަކު ބާކީ ނުކުރައްވާކަމަށެވެ. އަދި އެމަނިކުފާނު ވައުދުތައް ފުއްދައިދެއްވުމުގައި ކުޑަރަށެއް ބޮޑުރަށެއް ނުބައްލަވާކަމަށާއި ތަފާތު ނުކުރައްވާކަމަށް ވިދާޅުވިއެވެ. އެނާ ވިދާޅުވީ، ކުޑަގިރިއަކީ މާލޭގެ ރައްޔިތުންނަށް ވެވަޑައިގެންނެވި އެއް ވައުދުކަމަށެވެ. އެނާ ވިދާޅުވީ، މިއަދު މިވަނީ އެ ވައުދު ފުއްދައިދެއްވާފައިކަމަށާއި ވައުދުވެވަޑައިގެންނެވި މިންވަރަށްވުރެވެސް އިތުރަށް އެ ރަށް ފުރިހަމަކުރުމުގެ މަސައްކަތްތައްވެސް ކުރެވިގެންދާނެކަމަށް އަސްލަމް ފާހަގަކުރެއްވިއެވެ.
އެނާ ވިދާޅުވީ، ރައްޔިތުންނަށް ލިބިގެންދިޔައީ ގެއްލިފައިވާ ބޮޑު އެއްޗެއްކަމަށެވެ. އެނާ ވިދާޅުވީ، ވައުދުވެވަޑައިގެންނެވި ގޮތުގެ މަތިން ބުރިޖުވެސް އަޅުއްވާނެކަމަށެވެ. އަދި ދަތުރުފަތުރުގެ ނިޒާމުވެސް ފުރިހަމަ ކުރައްވާނެކަމަށާއި ބޯހިޔާވަހިކަމާއި އެމަނިކުފާނު ވެވަޑައިގެންފައިވާ އެންމެހާ ކަންކަންވެސް “އަންނާނެ” ކަމަށް އަސްލަމް ވިދާޅުވިއެވެ.
advertisment