ރައީސް އިބްރާހިމް މުހައްމަދު ސާލިހުގެ ސަރުކާރުން އަމަލު ކުރަމުންދަނީ އެމްޑީޕީން ބަޔާކުރަމުން އައިސްފައިވާ ހެޔޮ ވެރިކަމެއް ގާއިމު ކުރުމާއި އިދިކޮޅަށްކަމަށް މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު ވިދާޅުވެއްޖެ އެވެ.
ދެ ބަސްވުންތަކާއި، ހިޔާލުތަފާތުވުންތައް އުފެދި އެމްޑީޕީގެ ތެރޭގައި މިވަގުތު އޮތީ ސަރުކާރާއި އެއްކޮޅު އަދި ސަރުކާރާއި ދެކޮޅު ފެކްޝަނެކެވެ. ރިޔާސީ ޕްރައިމެރީ ރައީސް ސޯލިހު ކާމިޔާބު ކުރެއްވުމުން، ރައީސް ނަޝީދާއި އަރިސް މެމްބަރުން ސަރުކާރަށް ވަރަށް ފާޅުކަން ބޮޑު ގޮތަކަށް ދަނީ ފާޑުކިޔަމުންވެވެ. މެމްބަރުން ޕާޓީގެ އަސާސީ ގަވައިދާއި ހިލާފުވާކަމަށް ބުނެ، ފިޔަވަޅު އެޅުމަށް ވެސް ގޮވާލާފައިވާއިރު ރައްޔިތުންގެ މަޖިލީހުގައި އެމްޑީޕީ މެމްބަރުން މިހާރު މި ސަރުކާރު ސިފަ ކުރަނީ ބާރާއި ނުފޫޒު ބޭނުން ކުރާ ޑިކްޓޭޓާޝިޕެއްގެ ގޮތުގަ އެވެ.
ސަރުކާރަށް ފާޑުކިޔުން އަމާޒު ކުރައްވައި ވަހީދު ވިދާޅުވީ، ސިޔާސީ މަގާމުތަކުގައި ތިއްބެވި ބޭފުޅުންގެ އަހުލާގީ މިންގަނޑުތައް އެކަށީގެންވާ އުސޫލެއްގެ ދަށުން ބަހައްޓާކަން ކަށަވަރު ކުރުމަށް ކުރާ މަސައްކަތެއް ފެންނަން ނެތް ކަމަށެވެ. އަދި އެ ބޭފުޅުންނަށް ސަރުކާރުގެ ސިޔާސަތުތައްވެސް ތަންފީޒު ކުރުމަށް މަސައްކަތްތަކެއް ނުކުރެވޭކަމަށް އެނާ ވިދާޅުވިއެވެ.
ސަރުކާރު ޖަވާބުދާރީ ކުރުވުމުގެ ޒިންމާ އޮތް ރައްޔިތުން މަޖިލިސް އެވަނީ “ރައީސުލްޖުމްހޫރިއްޔާގެ މަޖިލިހަކަށް” ހައްދަވާފައެވެ. މަޖިލިސް ކޮމިޓީތައް މިނިސްޓްރީތަކުގެ “ބިއުރޯތަކަކަށް” ހަދާފައެވެ. މިއީ އެމްޑީޕީން ބަޔާންކުރަމުން އައި ހެޔޮވެރިކަމާ ދިމާ އިދިކޮޅެވެ.
— Waddey (@waddey_) February 17, 2023
ވަހީދު ވިދާޅުވީ، ރައީސް ސާލިހުގެ ވެރިކަމުގެ ދައުރު ނިމޭއިރު، އޮތީ ސަރުކާރުގެ ތެރޭގައި އެތައް ސަރުކާރެއް ހިންގުމަށް ދޫކޮށްލާފައިކަމަށެވެ.
އެނާ ވިދާޅުވީ، ސަރުކާރު ޖަވާބުދާރީ ކުރުމުގެ ޒިންމާ އޮތީ ރައްޔިތުންގެ މަޖިލީހުގެ އަތް މަތީގައިނަމަވެސް، އެ މަޖިލީހަކީ މިހާރު “ރައީސުލްޖުމުހޫރިއްޔާގެ މަޖިލީސް” ކަމަށެވެ. އަދި މަޖިލީހުގެ ކޮމިޓީތައްވެސް މިހާރު ބަދަލުވެފައިވަނީ މިނިސްޓްރީތަކުގެ “ބިއުރޯތަކަކަށް” ކަމަށާއި، ފެންނަމުންދާ އަމަލުތަކަކީ އެމްޑީޕީގެ ހެޔޮވެރިކަމެއް ގާއިމު ކުރުމުގެ ވިސްނުމާއި ހިލާފު ކަންކަން ކަމަށް ވަހީދު ވިދާޅުވިއެވެ.
advertisment