“އިންޑިއާ އައުޓް” ފަދަ ހަރަކާތްތަކުގެ ސަބަބުން ނުކުންނަ ނޭދެވޭ ނަތީޖާތަކުގެ ވާހަކަ ދައްކަން ކެރިވަޑައިގަންނަވަން ޖެހޭކަމަށް ޑިފެންސް މިނިސްޓަރު މާރިޔާ އަހުމަދު ދީދީ ވިދާޅުވެއްޖެއެވެ.
އިންޑިއާއިން ޑީޕޯޓުކޮށްލި ޕީޕީއެމްގެ އިސް އެކްޓިވިސްޓަކަށް މިނިސްޓަރު ޖޯކު ޖެއްސެވުމާއިއެކު، ގިނަ އަދަދެއްގެ އާމުންވަނީ އެނާއަށް ފާޑުކިޔާފައެވެ. އަމާޒުވަމުންދާ ފާޑުކިޔުންތަކަށް ރައްދު ދެއްވައި މިނިސްޓަރު ވިދާޅުވީ، “އިންޑިއާ އައުޓް” ހަރަކާތް ކުރިއަށް ގެންދިޔައީ ޒަރޫރީ ބޭނުންތަކަށް ދާންޖެހޭ ގައުމުތަކާއިމެދު ހިތު ހުރި ވާހަކަތަކެއް ނުދެއްކުމަށް އިލްތިމާޒް ކޮށްފައިވަނިކޮށްކަމަށެވެ.
“Alhugandumen zarooree beynun thakah dhaan jehey qawm thakey, hithu huri eccheh nugovaashey” bune bune thibbaa, hithuhuri eccheh govaafa gos e qawm ah ereema, ethanun fonuvaaleema e roan jehey ruvun feni, egothah ithuru rayyithakah nuvumah takaa ves evaahaka dhakkan keren jehey!
— Mariya Didi 🎈 (@MariyaDidi) February 18, 2023
މިނިސްޓަރު ވިދާޅުވީ، ހިތު ހުރި އެއްޗެއް ގޮވުމަށް ފަހު، އެ ގައުމަކަށް ދިއުމުން އަނބުރާ ފޮނުވާލުމާއި އެކު، ރޯންޖެހޭ ރުއިން ފެނި އެގޮތަށް އިތުރު ރައްޔިތަކަށް ނުވާކަން ޔަގީން ކުރައްވަންޖެހޭކަމަށެވެ. އެހެންކަމުން އެ ވާހަކަތައް ދައްކަން ކެރެން ޖެހޭކަމަށްވެސް ވިދާޅުވިއެވެ.