ދިވެހިރާއްޖެއަށް އެންމެ ބޮޑަށް ހިޔާނާތްތެރިވެފައިވާ ފަރާތްތަކަކީ ރައީސް އިބްރާހިމް މުހައްމަދު ސާލިހާ އަދި ފޮރިން މިނިސްޓަރު އަބްދުﷲ ޝާހިދުކަމަށް މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެއެވެ.
އެމްޑީޕީގެ ރިޔާސީ ޓިކެޓު ހަވާލު ކުރުމުގެ ރަސްމިއްޔާތުގައި ރައީސް ޔާމީން އަދި އެމަނިކުފާނުގެ ސަރުކާރަށް ޝާހިދު އަމާޒުކުރެއްވި ފާޑުކިޔުންތަކަށް ރައްދު ދެއްވައި، އާދަމް ޝަރީފް ވިދާޅުވީ، އެންމެ ބޮޑު ހިޔާނާތްތެރިންނަކީ ރައީސް ސާލިހު އަދި މިނިސްޓަރު ޝާހިދުކަމަށެވެ.
އެނާ ވިދާޅުވީ، ރައީސް ޔާމީންގެ ވެރިކަމުގައި އެ ބޭފުޅުން އިންޑިއާ ސިފައިން ރާއްޖެ ގެނައުމަށް މަސައްކަތްކުރެއްވިކަމަށެވެ. އަދި ރައީސް ޔާމީން އެ ފުރުސަތު ނުދެއްވިކަމަށާއި އެހެންނަމަވެސް ވެރިކަން ލިބުމާއިއެކު، ރައީސް ސާލިހު އަދި މިނިސްޓަރު ޝާހިދު ގުޅިވަޑައިގެން ރާއްޖޭގެ ސިޔާދަތީ ބާރުތައް ވިއްކާލާފައިވާކަމަށް އެނާ ވިދާޅުވިއެވެ.
Emme bodu khiyaanaaiytherinnakee Ibu aai Shahid! RY ge verikamugai, India sifain Raajje aumah govaali. E furusathu RY nudhevvi. Ibu ah verikan libumaaeku Raajjeyge siyaadhathee baaruthah shahid aai Ibu gulhigen vikkaalee! Ibu ge verikamah baakee 7 mas! https://t.co/jmlb8R7ABn
— Adam Shareef Umar (@Adamshareefz) February 17, 2023
ކުރިއަށް އޮތް ރިޔާސީ އިންތިހާބު ކާމިޔާބު ކުރައްވާނީ އެއް ބުރުންކަމަށް ރައީސް ސާލިހު ވިދާޅުވެފައިވާކަމަށްވެސް އާދަމް ޝަރީފް އަލިއެޅުއްވިއެވެ. އެނާ ވިދާޅުވީ، ރައީސް ސާލިހުގެ ވެރިކަމަށް ބާކީ އޮތީ 7 މަސް ކަމަށެވެ. އަދި ކުރިއަށް އޮތް އިންތިހާބުގައި ރައީސް ސާލިހަށް ލިބިވަޑައިގަންނަވާނީ 3 ވަނަ ކަމަށްވެސް ވިދާޅުވިއެވެ.
އާދަމް ޝަރީފް ވިދާޅުވީ، އެންމެ ކުރީގައި އޮންނާނީ ރައީސް ޔާމީންކަމަށެވެ. އަދި ބައިބައިވެފައިވާ އެމްޑީޕީއަށް ރައްޔިތުންގެ ތާއީދު ނެތްކަން ޓިކެޓު ހަވާލު ކުރުމުގެ ޖަލްސާއަށް މީހުން ގެނައުމަށް ކުރި ހަރަދުންވެސް ސާފުވާކަމަށް އެނާ ފާހަގަކުރެއްވިއެވެ. އެނާ ވިދާލުވީ، ދައްކާނެ ވާހަކައެއް އަދި ވިއްކާނެ ޕްރޮޑަކްޓެއް ނެތުމުން ޖަލްސާގައި ގޮވީ “ކޮސް” ކަމަށެވެ.
One Response
އެންމެގިނަ މީހުންގެ ދަތްދޮޅި ދުއްވާލިމީހަކީ އާދަނު