އިދިކޮޅުގެ އިސް އެކްޓިވިސްޓަކަށް ކުރިމަތިވި ހިތާމަވެރި ހާދިސާއާއި ގުޅިގެން ދިވެހިރާއްޖޭގެ ރައްޔިތުންގެ ރައްކައުތެރިކަން ކަށަވަރު ކުރުމުގެ ޒިންމާ އެޅިފައިވާ އެއް ފަރާތެއްކަމަށްވާ ޑިފެންސް މިނިސްޓަރު މާރިޔާ އަހުމަދު ދީދީ ޖޯކު ޖެއްސެވުމުން އެ ފެނިގެންދިޔައީ ވެރިކަމުގެ ދެވަނަ ދައުރެއްގައި ފިކުރު ތަފާތު މީހުންނާއިމެދު އަމަލުކޮށްފާނެ ގޮތުގެ މިސާލެއްކަމަށް ބުނެވިދާނެއެވެ.
އެކަމަނާގެ ވާހަކަތައް ބައްޓަން ކުރެއްވި ގޮތުން، ޖޯކު ޖެއްސެވީ އެކަމަނާ ނިސްބަތްވާ ގައުމުގެ ރައްޔިތަކަށް ދިމާވި ހާދިސާއަކާއިމެދުއެއް ނޫންކަމަށް ހީވެގެންދެއެވެ. ޖޯކު ޖެއްސެވީ އަދުއްވެއްގެ މައްޗަށް ފަދައެވެ. ހުރިހާ ރައްޔިތުންގެ މައްޗަށް ބާރު ފޯރުވޭ މަގާމެއްގައި ހުންނެވި މީހެއްގެ ފަރާތުން ވަކި ޕާޓީއެއްގެ ބަޔަކާއިމެދު މި މިންވަރުގެ ތަފާތު ކުރުންތަކެއް ގެންގުޅޭކަން ހާމަވުމާއިއެކު މިއަދު ރައްޔިތުންގެ ހިތުގައި ވެރިވެފައިވަނީ ބިރުވެރިކަމެވެ. އެ ދަންނަވާ ހެޔޮ ވެރިކަމާއިމެދު ގިނަ ސުވާލުތައްވެސް އުފެދިއްޖެއެވެ.
“Alhugandumen zarooree beynun thakah dhaan jehey qawm thakey, hithu huri eccheh nugovaashey” bune bune thibbaa, hithuhuri eccheh govaafa gos e qawm ah ereema, ethanun fonuvaaleema e roan jehey ruvun feni, egothah ithuru rayyithakah nuvumah takaa ves evaahaka dhakkan keren jehey!
— Mariya Didi 🎈 (@MariyaDidi) February 18, 2023
ދިވެހި ރައްޔިތަކަށް ބޭރު ގައުމެއްގައި ތަހައްމަލު ކުރަންޖެހުނު ނާމާންކަމާއިމެދު ސަކަ މިޒާޖަކުން މިނިސްޓަރު ވާހަކަދެއްކެވި އިރު ރައީސުލްޖުމުހޫރިއްޔާވެސް ހިމެނިވަޑައިގަންނަވާހެން، ގައުމުގެ އިސް މަގާމުތަކުގައި ތިއްބެވި ގިނަ އަދަދެއްގެ ބޭފުޅުން ތިއްބެވީ އެކަމަނާއަށް ތަރުހީބު ދެއްވަންށެވެ. ދިވެހި ރައްޔިތަކަށް ކުރިމަތިވި ބޮޑު ގޮންޖެހުމެއް އެވެރިންނަށް ވެގެންދިޔައީ މަޖާ ކަމަކަށެވެ.
Salaamathee khidhmathuga ulhunu meehaku fini kotariehga behetteemaa roefikamah bune veteran akah hajoo jessevi iru gadha finyakee bayeh haalathuga ‘torture and cruel, inhuman & degrading treatment’ spectrum ah fall vedhaafadha kamehkan
dhifaaee vazeerah engivadainugathun dhera.— Dhiyana ?🌹 (@dhiyanasaid) February 18, 2023
ޕޯޑިއަމްއެއްގެ ކުރިމަތީ ހުއްޓި ހުރެ މިނިސްޓަރު މާރިޔާ ދެއްކެވީ، ދިވެހި ރައްޔިތަކާއި އެނާގެ އާއިލާއަށް ކުރިމަތިވެގެންދިޔަ ހިތާމައަށް އެެއްވެސް ހަމްދަރުދީއެއް ކުލުނެއް ނެތްކަމެވެ. އެނާ އަކީ އިދިކޮޅު ޕީޕީއެމްއަށް ނިސްބަތްވާ މީހެއްކަމަށްވުމުން، ދިވެހި ރައްޔިތެއްގެ ގޮތުގައިވެސް ބަލައިނުގަންނަ ފަދައެވެ. އެ ހާދިސާ އާއި ގުޅިގެން ފިޔަވަޅެއް އެޅުމަށް ވިސްނަވާ ކަމަށް ނުވަތަ ތަހުގީގެއް ހިންގަވާ އެ މައްސަލައަށް ހައްލެއް ގެނެސްދެއްވާނެކަމަށް ވިދާޅެއް ނުވިއެވެ.
މި ހަށިގަނޑުގައި ފުރާނަ ހުރިހާ ހިނދަކު ދިވެހި ރާއްޖެ ހިފަން އިންޑިއާ ބޭނުންވިޔަސް ނުހިފޭނެ. ބަލާލަބަލަ ދިވެހި ރާއްޖޭގެ ދިފާއީ ވަޒީރު މިދައްކާ މުޑުދާރު ވާހަކަ 🤦🏼 #Mududhaaru3Aharu
pic.twitter.com/giTtQlNzKg— ރުކުމާ (@RukumaA) November 18, 2021
ވިދާޅުވީ، އިދިކޮޅުގެ ހަރަކާތްތަކުގައި ނުކުމެ އުޅުއްވަނީ ބޭރު ގައުމެއްގެ ފިނި ކޮޓަރިއެއްގައި ބޭންދުމުން ގައުމަށް އެނބުރި އައިސް ކީރިތި ކުރައްވާ މީހުންކަމަށެވެ.
އެހެންނަމަވެސް އެންމެ ބޮޑަށް ރައްޔިތުންގެ ކަންފަތުގައި އަޅައިގަތީ ސަލާމަތީ ބާރުތަކާއިމެދު ދެއްކެވި ވާހަކަތަކެވެ. އެކަމަނާ ދެއްކެވި ވާހަކަތަކުން ޝަހީދު ހުސައިން އާދަމް ފަދަ ހިތްވަރު ގަދަ ބަތަލުނަށްވެސް އިހުތިރާމެއް ނެތްކަމަށް ސިފަވެގެންދިޔައެވެ. ދިވެހި ސިފައިން ޒަމާނުއްސުރެ ދައްކަމުން އައިސްފައިވާ އަޒުމާއި ހިތްވަރު ހަނދުމައިގައި ނެތްކަމަށް ފެނިގެންދިޔައެވެ.
އެ އެކްޓިވިސްޓަކީވެސް ފުލުހުންނާއި ސިފައިންގެ ތެރޭގައި އުޅުއްވާފައިވާ ބޭފުޅެއްކަމަށް ފާހަގަކުރައްވާ ވިދާޅުވީ، މިހާރު ތިބި ސިފައިންނަކީ ފިނި ކޮޓަރިއެއްގައި ތިބެފައި އައިސް ރޯނެ ބައެއް ނޫންކަމަށެވެ. ވިދާޅުވި ބަސްތަކުން، އެކަމަނާގެ ބެލުމުގެ ދަށަށް ދިފާއީ ބާރުތައް އައުމުގެ ކުރިން ތިއްބެވީ ފިނޑި ސިފައިން ކަމަށް ދޭހަވެއެވެ.
PPM ah support kureema dhivessakah ves nuvaa hisaabah gosgen nuvaane’… verikamaa vazeeru kamakee vazeefaa eh. Baaru dhiyaema e nimunee. Varah dhera kameh mee dhen… emme dheraee idhikolhu party ge riyaasee candidate jalah laigen inthihaabakah dhaathee…
— Ad Lee (@AdleeDeadly) February 18, 2023
ނޭނގި ނަމަވެސް އެ ވިދާޅުވެވުނީ ހަގީގަތުގައި ކަންކަން ދެކިވަޑައިގަންވާ ގޮތްކަމަށްވެސް ވެދާނެއެވެ. މީގެ ކުރިންވެސް މިނިސްޓަރުވަނީ ދިވެހި ސިފައިންނަށް ގައުމުގެ އަމަން ނުބެލެހެއްޓޭނެކަމަށް ވިދާޅުވެފައެވެ. ވިދާޅުވީ ރާއްޖެ ހިފުމަށް ބޭރު ގައުމަކުން މަސައްކަތް ކޮށްފި ހާލަތެއްގައި ދިފާއު ނުކުރެވޭނެކަމަށެ. އެހެންކަމުން މިއަދު ރައްޔިތުންދަނީ އެކަމަނާ އާއި މަގާމާ ބައްދަލުތޯ ސުވާލު އުފައްދަވަމުންނެވެ.