ޖުމުހޫރީ ޕާޓީގެ ލީޑަރ ގާސިމް އިބްރާހިމް އާއި އެކު ކުރިއަށް ގެންދެވީ ވަރަށް އުންމީދީ ބައްދަލުވުމެއްކަމަށް މަޖިލީހުގެ ހުޅުމާލެ ދާއިރާގެ މެމްބަރު އަލީ ނިޔާޒް ވިދާޅުވެއްޖެއެވެ.
ރައީސް އިބްރާހިމް މުހައްމަދު ސާލިހުއަށް އެމްޑީޕީގެ ރިޔާސީ ޓިކެޓު ހަވާލު ކުރެވުމާއިއެކު، އެމްޑީޕީގެ ރައީސް ސާލިހަށް ތާއީދު ކުރާ ފެކްޝަންގެ ބައެއް މެމްބަރުންވަނީ ޖޭޕީގެ ލީޑަރ ގާސިމް އާއި ބައްދަލު ކުރައްވާފައެވެ. މި ބައްދަލުވުމުގައި ބައިވެރިވެވަޑައިގަތީ އެމްޑީޕީގެ ޕީޖީ ގުރޫޕުގެ ލީޑަރު މުހައްމަދު އަސްލަމް އަދި ނިޔާޒްގެ އިތުރުން ގާސިމްއެވެ.
ސޯޝަލްމީޑިއާގައި ދައުރުވަމުންދާ ތިން ބޭފުޅުން އެއްކޮށް ތިއްބެވި ފޮޓޯއަކީ ކުރީގެ ފޮޓޯއެއްކަމަށް ފާހަގަކުރައްވާ އުނގޫފާރު ދާއިރާގެ މެމްބަރު މުހައްމަދު ވަހީދުވަނީ އެ ފޮޓޯ މިހާރު ދައުރު ކުރުމުގެ މަގުސަދާއިމެދު ސުވާލު އުފައްދަވާފައެވެ.
ނޫން ތީ ރޭގެ ފޮޓޮއެއް . މީ ވަރަށްއުއްމީދީ ބައްދަލުވުމެއް. އިރާދަކުރެއްވިއްޔާ ކޯލިޝަން އާއިއެކު އެމް.ޑީ.ޕީ އެއްބުރުން އިންތިޚާބް ކާމިޔާބު ކުރާނެ މަގަށް މިސްރާބް މިހުރީ https://t.co/e7XvhhQeSJ
— Ali Niyaz 🎈 (@ali_niya) February 19, 2023
ވަހީދަށް ޖަވާބު ދެއްވަމުން ނިޔާޒް ވިދާޅުވީ، އެއީ ކުރީގެ ފޮޓޯއެއް ނޫންކަމަށެވެ. އަދި އެ ބައްދަލުވުމުގެ ސަބަބުން އުންމީދު އިތުރުވެގޮސްފައިވާކަމަށާއި، އެހެންކަމުން މިހާރު އެމްޑީޕީގެ ރައީސް ސާލިހު ފެކްޝަނުން މިސްރާބު ޖަހާފައިވަނީ ކޯލިޝަން އަކާއިއެކު އެއްބުރުން އިންތިހާބު ކާމިޔާބު ކުރުމަށްކަމަށް އެނާ ވިދާޅުވިއެވެ.