ދިވެހިރާއްޖޭގެ ކުނީގެ މައްސަލައަށް ހައްލެއް ގެނައުމައްޓަކައި އެންމެ ފުރަތަމަ އަޅަންޖެހޭ ފިޔަވަޅަކީ ކުނި އުފައްދާ މިންވަރު މަދު ކުރުންކަމަށް އެންވައިރަމެންޓު މިނިސްޓަރު އައިމިނަތު ޝައުނާ ވިދާޅުވެއްޖެއެވެ.
ދާދި ފަހުން ކުރިއަށް ގެންދިޔަ ވެމްކޯގެ އަހަރީ ދުވަހުގެ ރަސްމިއްޔާތުގައި ވާހަކަދައްކަވަމުން މިނިސްޓަރުވަނީ ކުނި އުފައްދަމުންދާ މިންވަރު އިތުރު ވަމުންދާކަމާއިމެދު ކަންބޮޑުވުން ފާޅުކުރައްވާފައެވެ. މިނިސްޓަރު ވިދާޅުވީ، މާލެ ވިލިމާލެ އަދި ހުޅުމާލެއިން އުފައްދަމުންދާ ކުނީގެ އަދަދުތައް މަދު ނުކުރެއްވިއްޖެ ހާލަތެއްގައި ތިލަފުއްޓަށް ފޮނުވައިގެން ކުނި މެނޭޖު ކުރުން ވެގެންދާނީ އަގުބޮޑު އަދި ދަތިކަމަކަށް ކަމަށެވެ.
Thilafushi receives approx 800-1000 tonnes of mixed waste and 150 tonnes of construction & demolition waste per day. The first step to resolve our waste problem is reduction. ♻️ https://t.co/fpB7vxukiL
— Shauna Aminath 🎈❓ (@anuahsa) February 23, 2023
ކުނީގެ މައްސަލަ އާއިމެދު ކުރެއްވި ޓްވީޓެއްގައި ޝައުނާ ވިދާޅުވީ، އެކި ބާވަތުގެ ކުނި ހިމެނޭގޮތަށް އާންމު ގޮތެއްގައި ތިލަފުށިން 800-1000 ޓަނުގެ ކުނި ބަލައިގަންނަކަމަށެވެ. އަދި އެ އަދަދުގެ ތެރޭގައި ކޮންސްޓްރަކްޝަން ސިނާއަތުގެ ތެރެއިން އުފައްދާ ކުނި ނުހިމެނޭކަން މިނިސްޓަރު ފާހަގަކުރެއްވިއެވެ.
ޝައުނާ ވިދާޅުވީ، ކޮންސްޓްރަކްޝަން ސިނާއަތުގެ ތެރެއިން އުފައްދާ ކުނީގެ ގޮތުގައި ކޮންމެ ދުވަހަކުވެސް 150 ޓަނާއި ގާތް ކުރާ އަދަދެއްގެ ކުނި ތިލަފުށިން ބަލައިގަންނަކަމަށެވެ. މިނިސްޓަރު ވިދާޅުވީ، ރާއްޖެއަށް ކުރިމަތިވެފައިވާ ކުނީގެ މައްސަލަ ހައްލު ކުރުމަށްޓަކައި އެންމެ ފުރަތަމަ ޖެހޭނީ ކުނި އުފައްދަމުންދާ މިންވަރު ދަށްކުރުންކަމަށެވެ.
advertisment