ރައީސް އިބްރާހިމް މުހައްމަދު ސާލިހު އާއިއެކު ޖަރުމަނުވިލާތަށް ވަޑައިގަތުމަށްފަހު، ފޮރިން މިނިސްޓަރު އަބްދުﷲ ޝާހިދު އިނގިރޭސި ވިލާތަށް ފުރާވަޑައިގެންފިއެވެ.
މިނިސްޓަރުގެ އަމިއްލަ ޓްވިޓަރ މެދުވެރިކޮށް ކުރެއްވި ޓްވީޓެއްގައި ވިދާޅުވީ، ބާލިންއަށް ރައީސް އާއިއެކު ކުރެއްވި ދަތުރުފުޅަކީ ކާމިޔާބު ދަތުރެއްކަމަށެވެ. އަދި އެއަށްފަހު އެމަނިކުފާނުވަނީ އިނގިރޭސިވިލާތުގައި ހުންނެވިކަން ހާމަކުރައްވާފައެވެ.
މިނިސްޓަރު ވިދާޅުވީ، ކޮމަންވެލްތުގެ ފޮރިން މިނިސްޓަރުންގެ ބައްދަލުވުމުގައި އެހެނިހެން ގައުމުތަކުގެ މިނިސްޓަރުންނާއި ބައްދަލުކުރެއްވުމަށް އުންމީދުކުރައްވާކަމަށެވެ. އަދި މި ދަތުރުގައި އިނގިރޭސި ސަރުކާރުގެ އިސް ވެރިންނާއި ބައްދަލުކުރައްވަންވެސް ކަނޑައެޅިފައިވާކަމަށާއި، ދެ ގައުމުގެ ދެމެދު ކަންކަން އިންތިޒާމުކުރުމާއިމެދު ވާހަކަދައްކަވާނެކަމަށް ވިދާޅުވިއެވެ.
Arrived in London after a successful visit to Berlin, with President @ibusolih.
Look forward to @commonwealthsec Foreign Ministers Meeting #CFAMM & meeting many of my counterparts.
Will also engage with UK government Ministers building on successful 🇲🇻🇬🇧 Strategic Dialogue.
— Abdulla Shahid (@abdulla_shahid) March 11, 2023
މީގެ އިތުރުން މިނިސްޓަރު ޝާހިދުވަނީ މޮރިޝަސްގެ ފޮރިން މިނިސްޓަރު އަދި އެ ގައުމުގެ ރައްޔިތުންނަށް އެ ގައުމުގެ މިނިވަންދުވަހުގެ މުނާސަބަތުގައި ތަހުނިޔާތައް ރައްދުކުރައްވާފައެވެ. މިނިސްޓަރު ވިދާޅުވީ، ދެ ގައުމުގެ ދެމެދު އޮތް ގުޅުން އިތުރަށް ބަދަހިވެގެންދާނެކަމަށް ގަބޫލުކުރައްވާކަމަށެވެ.
advertisment