ކ. ހިންމަފުށި ގިރާ ސަރަހައްދު ހިމާޔަތް ކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާއި ހަވާލުކޮށްފި އެވެ.
ޕްލޭނިން މިނިސްޓްރީގައި އެކަމަށް ހާއްސަކޮށް ބޭއްވި ރަސްމިއްޔާތުގައި، އެމްޓީސީސީގެ ފަރާތުން ސޮއި ކުރެއްވީ ކުންފުނީގެ ސީއީއޯ އާދަމް އާޒިމް އެވެ. އަދި އެމްޓީސީސީގެ ފަރާތުން ސޮއި ކުރެއްވީ ޑިރެކްޓާރ ޖެނެރަލް ފާތިމަތު ޝާނާ ފާރޫގެވެ.
މި މަޝްރޫއުގެ ދަށުން ރަށުގެ ދެކުނު ފަރާތުން، ގިރަމުން ދާ ސަރަހައްދުގައި 160 މީޓަރުގެ ބޮޑުހިލައިގެ ރިވެޓްމަންޓު ޖެހުމާއި 53 މީޓަރުގައި ބޮޑު ހިލައިގެ ގްރޮއިން ޖެހުމާއި 127 މީޓަރުގެ ބޮޑު ހިލައިން ބޭރުތޮށި ލުމުގެ މަސައްކަތް ކުރިޔަށް ދާނެ އެވެ.
މި މަސައްކަތް އެމްޓީސީސީ އާއި ހަވާލު ކުރީ 180 ދުވަހުގެ ތެރޭގައި ނިންމާ ގޮތަށް، 11.8 މިލިއަން ރުފިޔާ އަށެވެ.