ކުރިއަށް އޮތް ރިޔާސީ އިންތިހާބުގައި ރައީސް އިބްރާޙިމް މުހައްމަދު ސާލިހަށް އެއްބުރުން ކާމިޔާބީ ލިބިގެންދާކަން އޭނާގެ ހިސާބުތަކުން ދައްކާކަމަށް އަދާލަތު ޕާޓީގެ ރައީސް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
ޖުމްހޫރީ ޕާޓީއިން ކުރިއަށް އޮތް ރިޔާސީ އިންތިހާބުގައި އިސްވެ އޮވެ ވާދަކުރުމަށް ނިންމައި، އެމްއާރްއެމްއިންވެސް ރައީސް ސާލިހާއި ގުޅިގެން ކުރިއަށް ދިއުމެއް ނެތްކަމުގެ އިޝާރާތްކުރެވިފައިވާއިރު، ރައީސް ނަޝީދުގެ ފިކުރެއްގެ ދިރުން އިން ވަނީ ޖޫމްހޫރީ ޕާޓީއާއިއެކު ޕާލިމެންޓަރީ ގުރޫޕެއް އެކުލަވާލުމުގެ މަސައްކަތްތައް ފަށާފައެވެ.
އެހެންކަމުން ގާސިމްއަށް ކުރިއަށް އޮތް ރިޔާސީ އިންތިހާބު ކާމިޔާބު ކުރެވުމުގެ ފުރުސަތު އިތުރަށް ފުޅާވެފައިވާއިރު، އިމްރާން ވިދާޅުވީ، އޭނާ “ވަރަށް ހިސާބު” ޖައްސަވާފައިވާކަމަށެވެ. އަދި އެމްޑީޕީގެ ރައީސް ސާލިހުގެ ފެކްޝަނާއި އަދާލަތު އަދި އެމްޑީއޭ ގުޅިގެން ރައީސް ސާލިހަށް ދެވަނަ ދައުރެއް ކަށަވަރު ކުރާނީކަމަށް އޭނާ ފާހަގަކުރެއްވިއެވެ.
Varah hisaabu jahaifin.
Maaiy Allah iraadhakurehviyyaa,
@MDPSecretariat aa @AdhaalathOffice adhi @MDAmaldives ekugai Raees @ibusolih 2 vana dhaurakah hovumah hiyvaraa eku masahkaiy kohfinama, 9 September 2023 gai nagaa vote in 51.2% ah vure mathin kaamiyaabu kuraane.ان شاءالله— Imran Abdulla (@ShimranAb) March 15, 2023
އިމްރާން ވިދާޅުވީ، މަސައްކަތް ކޮށްފި ނަމަ، މި އަހަރުގެ ސެޕްޓެމްބަރު މަހުގެ 9 ވަނަ ދުވަހު ނަގާ ވޯޓު 51.2 އިންސައްތައާއި އެކު ކާމިޔާބު ކުރައްވާނެ ކަމަށެވެ.
ރައީސް ސާލިހުވަނީ އެންމެހާ ޕާޓީތަކަށްވެސް ކޯލިޝަން ދައުވަތު އަރުވާފައެވެ. އެންމެ ފުރަތަމަ މި ދައުވަތު ބަލައިގަނެފައިވަނީ އަދާލަތުންނެވެ. ދެވަނަ އަށް ގުޅިފައިވަނީ އެމްޑީއޭއިންކަމަށްވާއިރު، އެމްއާރްއިމް އިންވެސް ގާސިމްއަށް ތާއީދުކުރުމަށް ނިންމާފައިވާކަމުގެ ވާހަކަތައް ދަނީ ދެކެވެމުންނެވެ. އިދިކޮޅު ކޯލިޝަނުން ކުރިއަށް އޮތް ރިޔާސީ އިންތިހާބުގައި ވާދަކުރާނެ ގޮތާއިމެދު ވަކި ގޮތެއް ކަނޑައެޅިފައިނުވެއެވެ.
advertisment