އޮރގަނައިޒޭޝަން އޮފް އިސްލާމިކް ކެޕިޓަލްސް އެންޑް ސިޓީސްގެ ބައްދަލުވުމުގައި ފޮރިން މިނިސްޓަރު އަބްދުﷲ ޝާހިދު ބައިވެރިވެވަޑައިގެންފިއެވެ.
ބައްދަލުވުމުގައި ބައިވެރިވެވަޑައިގެން އިންނެވި ފޮޓޯއެއް ހިއްސާކުރައްވާ މިނިސްޓަރު ވިދާޅުވީ، ބައްދަލުވުން ކުރިއަށް ގެންދަނީ މުޅި މުސްލިމު އުއްމަތަށް ބޮޑެތި ގޮންޖެހުންތަކެއް ކުރިމަތިވެފައިވަނިކޮށްކަމަށެވެ. އެގޮތުން އިސްލާމް ދީނަށް ނަފްރަތު ކުރާ މީހުން އިތުރުވެ އެ ވިސްނުން ފެތުރެމުންދާކަމަށާއި ހަރުކަށި ވެރިކަންތަކާއި ކޮވިޑްގެ ދަތިކަން ފަދަ ކަންކަމުގެ ސަބަބުން ދުނިޔޭގެ އެކި ކަންކަންކޮޅުތަކުގައިވެސް ދިރިއުޅޭ މުސްލިމުން ތަހައްމަލު ކުރަމުންދަނީ އުނދަގޫ ދުވަސްތަކެއްކަމަށް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ، އިސްލާމް ދީނުގައި ކުރުމަށް ބުނާ ކަންކަން އޮންނީ ސާފުކޮށް އެނގެންކަމަށެވެ. އަދި އެކަންކަމަކީ ތާހިރުކަންކަން ކަމަށްވެސް މިނިސްޓަރު ފާހަގަކުރެއްވިއެވެ. އަދި އޮންނަނީ އެންމެން ގުޅިގެން އަމާންކަމާއިއެކު ދިރިއުޅުމުގެ ވާހަކަތައް ކަމަށާއި ނަފްރަތާއި ބިރުވެރިކަން އަދި ހަމަނުޖެހޭ ވިސްނުންތަކާއި އިސްލާމް ދީން ދެކޮޅުވާނެކަމަށް ޝާހިދު ވިދާޅުވިއެވެ.
The true message of Islam is clear & pure. It entails peaceful coexistence and unity. It rejects hate, fear, &prejudice
We need to unite to spread the true values of Islam. Our wisdom &strategic yet calm approaches to extremism defines us &make us different from the perpetrators pic.twitter.com/axYRWX9o6R
— Abdulla Shahid (@abdulla_shahid) March 16, 2023
ޝާހިދު ވިދާޅުވީ، އިސްލާމް ދީންގައި އޮންނަ ކަންކަން ފެތުރުމައްޓަކައި އެންމެން ގުޅެންޖެހޭކަމަށެވެ. އަދި ކުށްވެރިންނާއި ތަފާތުވަނީ ވިސްނުންތެރި އަދި ހަމަ ހިމޭން ވިސްނުންތަކުގެ ދަށުން ހަރުކަށި ފިކުރުގެ ކަންކަމާއިމެދު އަމަލުކުރާތީކަމަށްވެސް މިނިސްޓަރު ފާހަގަކުރެއްވިއެވެ.
މިނިސްޓަރު ވިދާޅުވީ ނަފްރަތު އުފެދޭ ފަދަ ވާހަކަތައް ދެއްކުމާއި އިސްލާމް ދީނާއި ދެކޮޅު ވިސްނުންތައްވެސް ފެށިގެން އަންނަނީ ހަގީގީ އިސްލާމީ އުސޫލުތައް އެ ބަޔަކަށް ދެނެގަނެވިފައިނުވާތީކަމަށެވެ. އެހެންކަމުން އިސްލާމް ދީނާއި ދެކޮޅު ހިޔާލުތައް ނައްތާލުމަށް މަސައްކަތްކުރާ ހާއްސަ ދުވަހެއް ފާހަގަކުރުން މުހިންމުކަމަށެވެ. އަދި ރަނގަޅު މައުލޫމާތު ފެތުރުމަށް ކުރާ މަސައްކަތްތައް އެންމެން އެކުގައި ކުރުމަށް އިތުރު މަސައްކަތްތަކެއް ކުރަންޖެހޭކަމަށްވެސް ވިދާޅުވިއެވެ.