ޖުމްހޫރީ ޕާޓީގެ ފަރާތުންވެސް މަޖިލީހުގެ ތަޅުމުގައި ސަރުކާރަށް އެއްބާރުލުން ލިބުނީ ފިކުރެއްގެ ދިރުމާއި ޕީޕީއެމްގެ މެމްބަރުންގެ ފަރާތުންވެސް ލިބުނު ފަދައިންކަމަށް މަޖިލީހުގެ މަރަދޫ ދާއިރާގެ މެމްބަރު ވިދާޅުވި ވާހަކަތަކަށް ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެމްބަރު އަހުމަދު ޝިޔާމް ރައްދު ދެއްވައިފިއެވެ.
ކޯލިޝަން ޕާޓުނަރުން ސަރުކާރަށް އެއްބާރުލުން ދިން ވަރު މަޖިލީހުގެ ޔައުމިއްޔާތަކުން ފެންނަން ހުންނާނެކަމަށާއި، ފިކުރެއްގެ ދިރުމާއި ޖޭޕީ އަދި ޕީޕީއެމްގެ ދެމެދު ބޮޑެތި ތަފާތުތަކެއް ނެތްކަމަށް ޝަރީފް ވިދާޅުވެފައިވާކަމަށް އަލިއަޅުއްވައި ޝިޔާމް ވިދާޅުވީ، ޖޭޕީ އަދި ފިކުރެއްގެ ދިރުން އިން އެއްބާރުލުން ނުދިން ނަމަ، މަޖިލީހުގެ ތެރޭގައި ސަރުކާރުން ބޭނުންވި އެއްވެސް މުހިންމު ކަމެއް ނުވާނެކަން އޭނާ އަށް ޔަގީންކަމަށެވެ.
FD adhi JP ebbaarulun nudhinnama yageenvaa kamakee Majlis therein sarukaarah evves muhimmu kameh nukurevuneeskan. Baeh faharu sarukaaru beynunva button ah fihthan thalhumugai nuthibumakeeves ebbaarulun dhinun. Ekaniverivaa varakah jazbaath ithuruvaane @AdduShareef https://t.co/cQq1UZvNLy
— Ahmed Shiyam (@Shiyamaldives) March 17, 2023
ސަރުކާރަށް އެއްބާރުލުން ދިނުމަކީ ހަމައެކަނި ބިލުތަކާއި އެއްކޮޅަށް ވޯޓު ދިނުން ނޫންކަމަށް އިޝާރާތްކުރައްވާ ޝިޔާމް ވިދާޅުވީ، ބައެއް ހާލަތްތަކުގައި ސަރުކާރުން ބޭނުންވާ މަގުސަދެއް ހާސިލުކުރުމަށްޓަކައި މަޖިލީހުގެ ތަޅުމަށް ހާޒިރު ނުވުމަކީ ނުވަތަ ދޫކޮށް ދިއުމަކީވެސް އެއްބާރުލުން ދިނުންކަމަށެވެ. އަދި ޝަރީފް ޖޭޕީއަށް ފާޑުވިދާޅުވަނީ އެކަނިވެރިވަމުންދިއުމާއި ގުޅިގެން ޖަޒްބާތުތައް އިތުރުވެގެންކަމަށް ޝިޔާމް ވިދާޅުވިއެވެ.
advertisment