ރައީސް ޔާމީން ނޫން ރިޔާސީ ކެނޑިޑޭޓެއް ހިޔާރު ކުރުމުގެ މަސައްކަތްތަކަށް އަދި އެ ޕާޓީގެ އަސާސީ ގައިދު ތަން ނުދޭކަމަށް ޕީއެންސީގެ ނައިބު ރައީސް މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެއެވެ.
ރައީސް ޔާމީން ނޫން އެހެން މަގެއް އިދިކޮޅު ކޯލިޝަނުން ހިޔާރު ކުރަންޖެހިފައިވާކަމަށް ބުނެ ދެކެވޭ ވާހަތަކުގެ އަޑުތައް ގަދަވެ އެމަނިކުފާނުގެ މިނިވަންވެދާނެކަމާއިމެދުވެސް ސުވާލު އުފެދިފައިވާއިރު، އާދަމް ޝަރީފްވަނީ އެމަނިކުފާނު މިނިވަންވެގެންދާނެކަމަށް ވިދާޅުވެފައެވެ.
އޭނާ ވިދާޅުވީ، ރައީސް ޔާމީންއަށް ވާދަ ނުކުރެވިދާނެކަމަށް ދުރާލައި އެހެން މީހަކު ހޯދަން ނުވަތަ ދައްކަން އުޅެންޖެހޭ ވަގުތާއި ހާލަތު އައިސް ޖެހިފައިނުވާކަމަށެވެ.
Miee RY ah vaadha nukurevidhaanekamah dhuraalai ehen meehaku hoadhan/dhakkan ulhenjehey vagutheh/haalatheh noon. Ekan kuraakah party ge qavaaidhu ves adhi thaneh nudhey. Inthihaabu kaamiyaabu kuran faseyhavaanee ves RY ah! RY ge name list gai onnaane, IA https://t.co/0pucG7tT6y
— Adam Shareef Umar (@Adamshareefz) March 17, 2023
ރައީސް ޔާމީން ނޫން ކެނޑިޑޭޓެއް ހިޔާރު ކުރަން އުޅުމަށް ޕާޓީގެ އަސާސީ ގަވައިދު އަދި ތަން ނުދޭކަމަށް ވިދާޅުވެ އާދަމް ޝަރީފް ވިދާޅުވީ އިންތިހާބު ކާމިޔާބު ކުރަން ފަސޭހަވެސް ވާނީ ރައީސް ޔާމީން އަށްކަމަށެވެ. އޭނާ ވިދާޅުވީ، ރިޔާސީ އިންތިހާބަށް ކުރިމަތިލާ ލިސްޓުގައި ރައީސް ޔާމީންގެ ނަން އޮންނާނެކަމަށެވެ.