ސަރުކާރުން ގައުމީ އިނާމުތައް ދިނުމުގައި އަމަލުކުރަމުންދާ ގޮތާއިމެދު މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު ކަންބޮޑުވުން ފާޅުކުރައްވައިފިއެވެ.
ސަރުކާރުންވަނީ ދައުލަތަށް ހިދުމަތް ކުރުމުގެ އިނާމަށް ނަން ހުށައެޅުމުގެ ފުރުސަތު ހުޅުވާލާފައެވެ. އެކަމަށް އަލިއަޅުއްވައި ވަހީދުވަނީ ގައުމީ އިނާމުތައް ފަދަ ޝަރަފުތައް އެރުވުމުގައި މިހާރު ސަރުކާރުން އަމަލު ކުރަމުންދަނީ އެނާ ބަލައިނުގަންނަ ގޮތެއްގެ މަތިންކަން ހާމަކުރައްވާފައެވެ.
ވަހީދު ވިދާޅުވީ، ގައުމީ އިނާމުގެ އެންމެ ބޮޑު ސިފައަކީ އޭގެ ޝަރަފުވެރިކަމާއި އަގުވަޒަން ކުރެވިގެންދާ މިންވަރުކަމަށެވެ. އެހެންނަމަވެސް މިހާރު ގައުމީ އިނާމުތައް ދެ އިރު ކާ ބޭހެއްގެ ގޮތުގައި ދެމުންދާކަމަށް އޭނާ ވިދާޅުވިއެވެ.
ޤައުމީއިނާމުގެ އެންމެބޮޑު ސިފައަކީ އޭގެ ޝަރަފުވެރިކަމާއި އަގު ވަޒަންކުރެވޭ މިންވަރު. ދެއިރުކާ ބޭހެއްގޮތަށް ޤައުމީއިނާމާއި އެވޯޑުތައް ބަހައި، މިކަން “ބޮޑުގުޅަކުރުމަކީ” އެހާ ބުއްދިވެރި ކަމެއް ނޫން. ގިނަ އިނާމު ދީގެން ގިނަ ވޯޓު ހޯދަން ކުރާ ކަމެއް ގޮތަށް މިކަހަލަ ކަންކަން ނުހައްދަވާ! https://t.co/BfrQ8iBTGJ
— Waddey (@waddey_) March 19, 2023
ވަހީދު ވިދާޅުވީ، ގައުމީ އިނާމާއި އެވޯޑުތައް ބަހައި “ބޮޑުގުޅަ” ކުރުމަކީ ސަރުކާރުން ވިސްނުންތެރިކަމެއް ނެތި ހިންގާ އަމަލެއްކަމަށެވެ. އަދި ގައުމީ އިނާމުތައް ދިނުމަކީ ވޯޓު ހޯދުމުގެ ގޮތުން ކުރައްވާ މަސައްކަތެއް ގޮތުގައި އޭނާ ސިފަ ކުރެއްވިއެވެ.
advertisment