ރޯދަ މަހު މާލެއިން ކުނި ނަގާނީ ރޭގަނޑު 8:30 ގެ ފަހުން!

ރޯދަމަހާއި ޝައްވާލް މަހުގެ ފުރަތަމަ ހަތް ދުވަހު ކުނި ނެގުމަށް ހަމަޖެހިފައިވާ ގަޑިތައް ވެމްކޯ އިން އިއުލާންކޮށްފި އެވެ.

ވެމްކޯ އިން ބުނީ ރޯދަ މަހުގައި ވޭސްޓް ޓްރާންސްފަރ ސެންޓަރުތައް ހުޅުވިފައި ހުންނާނީ ހުކުރު ދުވަސް ފިޔަވައި އެހެނިހެން ދުވަސްދުތަކުގައި ހެނދުނު 9 އިން ހަވީރު 5 އަށް އަދި ރޭގަނޑު 8 އިން މެންދަމު 1 ޖަހަންދެން ކަމަށެވެ.

ހުކުރު ދުވަސްތަކުގައި ވޭސްޓް ޓްރާންސްފާ ސެންޓަރުތައް ހުޅުވާނީ މެންދުރު 2 އިން ހަވީރު 5 އަށެވެ. އަދި ރޭގަނޑު 8 އިން ދަންވަރު 1 ޖަހަންދެން ކަމަށް ވެމްކޯ އިން ވަނީ ބުނެފައެވެ.

މާލެއިން ކުނި ނަގާނެ ގަޑިތަކަކީ

ގޭގައި އުފައްދާ ކުނި ނެގުމަށް ހަމަޖެހިފައިވަނީ ރޭގަނޑު 8:30 އިން ދަންވަރު 2:30 އަށް

ގޭގައި އުފައްދާ ކުނި ނުވާ ކުނި ނެގުމަށް ހަމަޖެހިފައިވަނީ ހަވީރު 4:00 އިން 5:00 އަށް

ވިލިމާލެއިން ކުނި ނަގާ ގަޑިތަކަކީ

ގޭގައި އުފައްދާ ކުނި ނެގުމަށް ހަމަޖެހިފައިވަނީ މެންދުރު 2:00 އިން ރޭގަނޑު 10:00 އަށް

ހުޅުމާލެ އިން ކުނި ނަގާ ގަޑިތަކަކީ

ގޭގައި އުފައްދާ ކުނި ނެގުމަށްހަމަޖެހިފައިވަނީ މެންދުރު 1:00 އިން ރޭގަނޑު 9:00 އަށް

ހިޔާ ފްލެޓްތަކުން ކުނި ނަގާގަޑިތަކަކީ ހެނދުނު 9:00 އިން މެންދުރު 1:00 އަށެވެ. އަދި ރޭގަނޑު 9:00 އިން މެންދަމު 1:00 ޖަހަންދެން ހިޔާ ފްލެޓް ތަކުން ކުނި ނެގުމަށް ހަމަޖެހިފައިވާ ކަމަށް ވެމްކޯ އިން ވަނީ ބުނެފައެވެ.

ރަމަޟާން މަހު ވެމްކޯގެ ކޯޕަރޭޓް އޮފީހާއި ރީޖަނަލް އޮފީސްތައް ހުޅުވިފައި ހުންނާނީ ރަސްމީ ކޮންމެ ދުވަހަކު ހެނދުނު 9:00 އިން މެންދުރު 1:00 އަށެވެ.