އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲ ކުރެއްވި ޓުވީޓަކާއި ގުޅިގެން ގިނަ ބަޔަކު އޭނާއަށް ފާޑުކިޔައިފިއެވެ.
އިމްރާން އޭނާ ކުރެއްވި ޓުވީތެއްގައި ވިދާޅުވެފައިވަނީ “ސިންގާ” އަކީ އެއްގަމުގައި ކިތައްމެ ބާރުގަދަ ޖަނަވާރެއްކަމަކު ފައި ނުފޯރާ ފަށަށް މޫދަށް ލާއިރަށް، ކުޑަ ހިނދުކޮޅަކުން އާރެއް ބާރެއް ނެތި ބޮކި ޖަހާފައި އަޑިއަށް ގެނބިގެންދާނެކަމަށެވެ. ބެލެވޭ ގޮތުގައި އޭނާގެ މި ޓުވީޓު އަމާޒުކުރައްވާފައި މިވަނީ އެމްޑީޕީގެ ރައީސް މުހައްމަދު ނަޝީދަށެވެ. އިމްރާންއަކީ ރައީސުލްޖުމްހުރިއްޔާ އިބްރާހީމް މުހައްމަދު ސާލިހަށް ވަރަށް ބޮޑަށް ތާއީދުކުރައްވާ، ރައީސް ނަޝީދަށް ތަފާތު އެކި ފުރުސަތުތަކުގައި ނުސީދާކޮށް ފާޑު ވިދާޅުވާ ބޭފުޅެކެވެ.
ސަރުކާރު ކޯލިޝަނުގައިވެސް ހިމެނޭ އިމްރާނުގެ މި ޓުވީޓާއިއެކު އޭނާއަށް ގިނަ ބަޔަކު ވަނީ ފާޑު ކިޔާފައެވެ. އެގޮތުން މި ޓުވީޓަށް ކޮމެންޓް ނުކުރެވޭ ގޮތް ހަދާފައިވާތީ އެކަމަށްވެސް ގިނަ ބަޔަކު ފާޑު ކިޔާފައިވެއެވެ. އެއްބަޔަކު އިމްރާން ސިފަކޮށްފައިވަނީ ފިނޑިއެއްގެ ގޮތުގައެވެ.
“Singa” akee ehgamugai kithanme baarugadha janavaareh kamaku fainufoara fashah moodhah laa irah, kuda hindhukolhakun aareh baareh nethi boki jahaafai adiah genbidhaane eve.
— Imran Abdulla (@ShimranAb) March 27, 2023
“ސިންގާ” ގުޅުވައި އިމްރާން ދެއްކެވި މި ވާހަކައާއިއެކު ސިންގާއާއި ބެހޭ އާންމު މައުލޫމާތުވެސް އިމްރާންއަށް ނޭގޭކަމަށް ބައެއް ފަރާތްތަކުން ބުނެފައިވެއެވެ. ހޯމް މިނިސްޓަރުކަމުގައި ހުންނެވި ބޭފުޅަކު މިފަދަ ވާހަކަތައް ދެއްކެވުމުން ލަދުގަންނަންޖެހެނީ ދިވެހި ރައްޔިތުންގެކަމަށްވެސް އެކަކު ބުނެފައިވެއެވެ.
އިމްރަންއަކީ “ބޮޑު މަސް ކައިރީ ތަތް ކޮށްލައިގެން އުޅޭ މަހެއް” ކަމަށްވެސް ބައެއް ފަރާތްތަކުން ބުނެފައިވާއިރު، އަދާލަތު ޕާޓީ ބައެއްގެ ފަހަތަށް އަރާފިއްޔާ އެ ބަޔަކުވެސް ޗޮކުން ދާކަމަށް ފާހަގަކޮށް ހިޔާލުފާޅުކުރި މީހަކު ބުނެފައިވާ ގޮތުގައި ވެރިކަން ކުރާ މައި ޕާޓީ އެމްޑީޕީ ބައިބައިވުމުގެ ސަބަބަކީވެސް އިމްރާން ނުވަތަ އަދާލަތު ޕާޓީއެވެ.
singa baavabala..bodu mas kairi ulhe ennu thai kohlaigen ulhey mas thake..ekahala haalega AP thiothee..hiyhama nujehigen reply nukurevey goi hedhiyas heyo..bunevunu gothaka bunaanan..AP ebayege fahatha araifiya keevetha chokun dhanee..MDP ves bai vejje.! meehun dhura dhuvanee ! https://t.co/xHUNKPpVXl
— Ismail faizal (Aanu) (@IsmailFaizal555) March 27, 2023
އިމްރާންއަކީ ސިންގާއަކާއި ބެހޭ ކަންކަން އެގިލައްވާ ބޭފުޅެއްނޫންކަމަށް އެކަކު ބުނެފައިވާއިރު، ރަނގަޅަށް “ސިންގާ” ގެ ގާބިލިއްޔަތުކަން ދިރާސާނުކޮށް “ސިންގާ” އަކާ ކުރިމަތިލުމަކީ އެހާ ބުއްދިވެރިކަމެއް ނޫންކަމަށްވެސް މީހަކު ބުނެފައިވެއެވެ. ސިންގާއަކީވެސް މޫދުގައި ފަތާ ޖަނަވާރެއްކަމަށް ފާހަގަކޮށް، މީހަކު ބުނެފައިވަނީ އިމްރާންގެ އެފަދަ ގާބިލްކަމެއްވެސް ނެތްކަމަށެވެ. މި ދައުރު ނިމުމާއިއެކު އިމްރާންއާއިއެކު އަދާލަތު ޕާޓީވެސް ބާކީވާނެކަމަށް މީހަކު ބުނެފައިވެއެވެ.
ސިންގާ މަރުވީ ނަމަވެސް “ރާމާމަކުނަކަށް” ޖަންގަލީގެ ވެރިކަން ނުކުރެވޭނެކަމަށް ބުނެ މީހަކު އިމްރާން ސިފަކޮށްފައިވަނީ ކަމަށް ގާބިލް ނޫން ބޭފުޅެއްގެ ގޮތުގައެވެ.
އިމްރާން ކުރައްވާ އެކިއެކި ޓުވީތުތަކާއި ގުޅިގެން އޭނާއަށް މީހުން ކިޔަމުންދާ ފާޑުކިޔުން އިތުރުވަމުން ދިޔަ ނަމަވެސް، ޓުވީޓާގައި އިމްރާން ފެންނަނީ ވަރަށް ހަރަކާތްތެރިކޮށެވެ. ގިނަ ބަޔަކު ގަބޫލުކުރާ ގޮތުގައި އިމްރާންއަކީ މިނިސްޓަރަކަށްވުމުގެ ގާބިލްކަން ހުންނެވި ބޭފުޅެއް ނޫނެވެ. އަދި ސިޔާސީ ބޭނުމަށް ދީން ހަތިޔާރަކަށް ހައްދަވާކަމުގެ ފާޑުކިޔުންވެސް އިމްރާންއަށް އަމާޒުވެއެވެ.