އިދިކޮޅުގެ ރިޔާސީ ކެނޑިޑޭޓު ރައީސް އަބްދުﷲ ޔާމީން އަބްދުލް ގައްޔޫމްގެ މައްޗަށް ރ ފުއްގިރީގެ މައްސަލައިގައި ކުރެވޭ ޝަރީއަތް އަވަސް ގޮތަކަށް ކުރިއަށް ގެންދާތީ ޕީއެންސީގެ ނައިބު ރައީސް އަދި މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ކަންބޮޑުވުން ފާޅުކުރައްވައިފިއެވެ.
ރައީސް ޔާމީންގެ މައްޗަށް ކުރެވެމުންދާ ޝަރީއަތުގެ އަޑުއެހުންތައް ހަލުވިކަމާއިއެކު ކުރިއަށް ގެންދާކަން ފާހަގަކުރައްވާ އާދަމް ޝަރީފް ވިދާޅުވީ، ފުއްގިރީގެ މައްސަލަ ކުރިއަށް ގެންދާ ގޮތުން ރައީސް ޔާމީންގެ ގިނަ ހައްގުތަކެއް ގެއްލިގެން ދިއުމުގެ ފުރުސަތު ފުޅާކަމަށެވެ. އޭނާ ވަނީ ޝަރީއަތް އަވަސް އަރުވާލައިގެން ކުރިއަށް ގެންދަނީ ސަރުކާރުން ވަކި މަގުސަދެއް ހާސިލު ކުރުމަށްޓަކައިކަމަށް ސިފަކުރައްވާފައެވެ.
އޭނާ ވިދާޅުވީ، އަވަސް ކުރުމުގެ އިތުރުން ލައިވް ނުކޮށް ކުރިއަށް ގެންދަނީ ސަރުކާރުގެ ސީދާ ނުފޫޒާއިއެކުކަމަށެވެ. އަދި އެކަން ކުރަމުންދަނީ ރައްޔިތުންނަށް އޮޅުވާލުމަށްޓަކައިކަމަށް އޭނާ ވިދާޅުވިއެވެ.
Fuggireege massala kuriahgendhaagothun RY ge gina haqquthah gellidhaane!
Mi shareeaiy avas aruvaalaigen, live nukoh kuriah gendhanee sarukaaruge seedhaa nufoozaaeku rayyithunnah olhuvaalan!
Live nukuraa massala zimmaadhaaru faraaiythakun ballavaidhevvaa!https://t.co/F5mc8xmVRD— Adam Shareef Umar (@Adamshareefz) April 22, 2023
އާދަމް ޝަރީފް ވިދާޅުވީ، ލައިވް ނުކުރުމަކީ މައްސަލައެއްކަމަށެވެ. އެހެންކަމުން އެކަން ޒިންމާދާރު ފަރާތަކުން ބަލައިދެއްވުމަށް އެދިވަޑައިގަތެވެ.
އިދިކޮޅުގެ ރިޔާސީ ކެނޑިޑޭޓުގެ ކެނޑިޑަސީގެ ސައްހަކަމާއިމެދު ސުވާލު އުފެދިފައިވާއިރު، ރައީސް ޔާމީންގެ މައްޗަށް އާރަށުގެ މައްސަލައިގައި ކުރެވިފައިވާ ހުކުމް ބަލައި ނުގަންނަކަމަށް އިދިކޮޅުގެ މެމްބަރުންވަނީ ފާހަގަކޮށްފައެވެ. މިހާރު ފުއްގިރީގެ މައްސަލައިގައި ޝަރީއަތް ކުރެވެމުންދާއިރު، މީގެ ކުރިންވެސް ރައީސް ޔާމީންއަށް ވާހަކަދެއްކެވުމަށް ފުރުސަތު ލިބިވަޑައިނުގަތް މައްސަލައެއް ފެންމަތިވެފައިވެއެވެ.
