ވެރިކަން ކުރާ މައި ޕާޓީ، ޕީއެންސީއާ ގުޅިވަޑައިގަތީ ރައްޔިތުންނަށް ހިދުމަތް ކުރެއްވުމުގައި ދެމިހުންނެވުމަށް ކަމަށް ރައްޔިތުންގެ މަޖިލިހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
އެމްޑީޕީގެ 13 މެމްބަރުން މިދިޔަ ބުރާސްފަތި ދުވަހުގެރޭ ވަނީ ޕީއެންސީ އަށް ސޮއިކުރައްވައިފައެވެ. އޭގެ ތެރޭގައި ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރު އެންމެ ބޮޑަށް ދިފާއު ކުރެއްވި މެމްބަރުން ހިމެނިވަޑައިގަންނަވައެވެ.
އައު އަހަރު ދުވަހުގެ ތަހުނިޔާ ފޮނުއްވައި ނިހާދު ”އެކްސް“ ގައި ހިއްސާކުރެއްވި ޕޯސްޓެއްގައި ވިދާޅުވީ އޭނާއަކީ ރައްޔިތުންގެ ބޭފުޅެއް ކަމަށެވެ. އަދި ގިނަ ރައްޔިތުން އެދެނީ އެ ރައްޔިތުންނަށް ހިދުމަތް ކުރެއްވުމުގައި ދެމިހުންނެވުމަށް ކަމަށް ވެސް ނިހާދު ވިދާޅުވިއެވެ.
Happy New Year 2024 ❤️❤️
Alhugandakee rayyithun ge Meeheh! Gina Rayyithun edhenee, e Rayyithunnah hidhumaih kuraan, dhemi hurumah! Ekan kuraan dhemi hurumah, Sarukaaru hingaa party aai gulhijjain!
Aa aharuge thahuniyaa AdduCity Adhi khaassakoh Feydhoo ge Rayyithunnah dhannavan!
— Feydhoo Meehaa (Mohamed Nihad) (@nihad_m) January 1, 2024
އެހެންކަމުން ރައްޔިތުންނަށް ހިދުމަތް ކުރުމަށްޓަކައި ސަރުކާރު ހިންގާ ޕާޓީ ޕީއެންސީ އާއި ގުޅިވަޑައިގެންފައިވާކަމަށް ނިހާދު ވިދާޅުވިއެވެ.
އެމްޑީޕީގެ 13 މެމްބަރުން ޕީއެންސީއާ ގުޅިވަޑައިގަތުމާ އެކު މަޖިލިހުގެ މައިނޯރިޓީ ޕާޓީ އަށް ވާނީ ޕީއެންސީއެވެ. މި ބަދަލާ އެކު، މަޖިލިހުގައި ތިއްބަވާ އެމްޑީޕީގެ މެމްބަރުންގެ އަދަދު 43 އަށް ވަނީ ދަށްވެފައެވެ.
