2023ގެ ރިޔާސީ އިންތިހާބުގައި ރައީސުލް ޖުމުހޫރިއްޔާ އިބްރާހިމް މުހައްމަދު ސޯލިހު ބަލިކުރަން، ރައީސް ޔާމިންނަށް ފަސޭހަވާނެކަމަށް ރައްޔިތުންގެ މަޖިލީހުގެ މަޑުއްވަރި ދާއިރާގެ މެމްބަރު، އާދަމް ޝަރީފް އުމަރު ވިދާޅުވެއްޖެއެވެ.
ރައީސް ސޯލިހު ރިޔާސީ އިންތިހާބުގައި ކުރިމަތިލާނެކަމަށް ވިދާޅުވެފައިވާ ދަނޑިވަޅެއްގައި، ޓްވީޓްކުރައްވާ އާދަމް ޝަރީފް ވިދާޅުވީ، މިހާރު އޮތް ސަރުކާރު ”ސްލޯ“ ވުމާއި، ކޮރަޕްޝަންގެ އަމަލުތައް ގިނަވުމާއި، ގޮތްނޭގޭ މަރުތަކަށް އިންސާފުވެސް ހޯދައިދެވިފައިނުވާއިރު ”މަތިބަރު“ ސަރުކާރެއް އޮތުމުގެ ސަބަބުން ހިދުމަތްތައްވެސް ނުލިބޭކަމަށެވެ. އަދި އެހެންކަމުން ތަރައްގީގެއް ބްރޭންޑަކަށް، ރައީސް އިބްރާހިމް މުހައްމަދު ސޯލިހު ކުރިއަށް އޮތް ރިޔާސީ އިންތިހާބުގައި ބަލިކުރުމަކީ ފަސޭހަވާނެކަމެއް ކަމަށް އާދަމް ޝަރީފް ފާހަގަކުރެއްވިއެވެ.
2023 gai IMS balikuran PPM ge ummeedhee riyaasee candidate @prz_ymn ah faseyha vaane! E ee sarukaaru slow vumaai corruption ginavumaai maruthakah insaafu nulibumaai mathibaru sarukaareh othumaaekuves khidhumaiy nulibeythee! RY akee tharaqqeebe brandeh! https://t.co/eULb6ZCPaO
— Adam Shareef Umar (@Adamshareefz) June 8, 2022
އާދަމް ޝަރީފް މިފަދައިން ވިދާޅުވެފައިވާ އިރު، އެތަކެއް މަސްތަކަކަށްފަހު ރައީސް ސޯލިހުވަނީ ނޫސްވެރިންނާއި ބައްދަލުކުރައްވާފައިއެވެ. މި ބައްދަލުވުމުގައި ރައީސް އެތަކެއް ވާހަކަތަކެއް ދައްކާފައިވާއިރު، 2023ގެ ރިޔާސީ އިންތިހާބުގައި ކުރިމަތިލައްވާނެކަމުގެ އިޝާރާތްތަކެއްވެސް ވަނީ ކުރައްވާފައިއެވެ. އެގޮތުން ރައީސް ސޯލިހު ވިދާޅުވީ، އެމްޑީޕީއަށް އެކަނި ރިޔާސީ އިންތިހާބެއް ކާމިޔާބު ނުކުރެވޭނެކަމަށެވެ. އަދި ކޯލިޝަނަކާއެކީ ނުކުމެ 2023ގެ ރިޔާސީ އިންތިހާބު ކާމިޔާބު ކުރެވޭނެކަން ޔަގީންކަމަށް ފާހަގަކުރައްވާ ރައީސް ސޯލިހު ވިދާޅުވީ، އެމްޑީޕީއިން ރިޔާސީ އިންތިހާބު ކާމިޔާބު ކުރަން ބޭނުންނަމަ، އެ މަނިކުފާނު ”ޗޮއިސްއެއް“ ގޮތައް ހުންނެވި ކަމަށެވެ.
Varah gina beyfulhun text kurahvaathee dhanavan.Alhugadah fennagothugai miadhuge haalathakee amilla unmeedhu iskoh verikamah fainaganvee vagutheh noon. Mee beyru faisage reserve ragalhukoh rayyithunge salaamaiytherikan dhemehetteyne gothaamedhu visnaa magah alhuvaanvee vaguthu
— Mohamed Nasheed (@MohamedNasheed) June 8, 2022
ރައީސް ސޯލިހު ރިޔާސީ އިންތިހާބުގައި ކުރިމަތިލާނެކަމަށް އިޝާރާތްކުރައްވާފައިވާއިރު، މިކަމާއި ގުޅުވައި ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ވަނީ ފާޑުވިދާޅުވެފަައިއެވެ. އެގޮތުން ރައީސް ނަޝީދު ވިދާޅުވީ، އެމަނިކުފާނަށް ފެންނަ ގޮތުން، މިހާރު ދެވެހި ރާއްޖެ އޮތް ހާލަތުގައި، އަމިއްލަ މީހާގެ އުންމީދުތަކެއް އިސްކޮށް، މި ދަނޑިވަޅަކީ، ވެރިކަަމަށް ފައި ނަގަންވީ ވަގުތެއް ނޫންކަމަށެވެ. އަދި މި ވަގުތަކީ، ބޭރުފައިސާގެ ރިޒާވް ރަނގަޅުކޮށް، ރައްޔިތުންގެ ހާލަތު ދެމެހެއްޓޭނެ ގޮތާ މެދު ވިސްނާ އެކަން ކުރަންވީ ވަގުތުކަމަށްވެސް ރައީސް ނަޝީދު ވިދާޅުވިއެވެ.
