ލ ގަމުގައި މީހަކު ދުއްވި ކާރެއް ކޮންޓްރޯލު ނުވެގެން މޫދަށް ވެއްޓިއްޖެއެވެ.
ފުލުހުން މައުލޫމާތު ދީފައިވާ ގޮތުގައި ލ ގަމު ތުނޑި ބަނދަރު ސަރަަހައްދުން ދުއްވަމުންް ދިޔަ ކާރެއް މޫދަށް ވެއްޓިފައިވަނީ މިއަދު 10.03 ހާއިރެވެ.
އެ ހާދިސާގައި ކާރު ދުއްވަން އިން މީހާ މިހާރުވަނީ ސަލާމަތްކޮށްފައި ކަމަށާއި އޭނާއަށް އަނިޔާއެއް ލިބިފައިނުވާކަމަށް ފުލުހުން ވަނީ ބުނެފައެވެ.
ކާރު މޫދަށް ވެއްޓިފައިވަނީ ދުއްވާފައިދަނިކޮށް ގަލަކަށް އެރި ވަގުތު ރޭހަށް ފިތާލެވިގެން ކޮންޓްރޯލްނުވެގެން ކަމަށް މިހާތަނަަށް ބެލި ބެލުމުން އެނގޭ ކަމަށް ފުލުހުން ބުނެފައިވާއިރު އެވަގުތު ކާރު ދުއްވަން އިނީ އަންހެންމީހާ އެކަނިކަމަށްވެއެވެ.
