މައްސަލައަކީ އައްޑޫ ބަހުރުވައިން ހުކުރު ޚުތުބާ ކިޔުން ނޫން ކަމަށާއި މައްސަލައަކީ އިސްލާމިކް މިނިސްޓްރީގެ އުސޫލާ ޚިލާފުވާގޮތައް ޚުތުބާއަށް އުނި އިތުރު ގެނެސްގެން ކިޔުންކަމަށް ސަރުކާރުން ބުނެފިއެވެ.
އައްޑޫ ސިޓީ މީދޫ މަސްޖިދުއް މަޖުދުއްދީނުގައި މިދިޔަ ހުކުރު ދުވަހު، އައްޑޫ ބަހުރުވައިން ޚުތުބާ ކިޔައިގެން މުދިމަކު ވަނީ ސަސްޕެންޑު ކޮށްފައެވެ.
މިކަމާއި ގުޅިގެން ސަރުކާރުގެ ތަރުޖަމާނު މިއުވާން މުޙައްމަދު “ސަންގު ޓީވީ“އަށް ވިދާޅުވީ އައްޑޫ ބަހުރުވައިން ޚުތުރުބާ ކިޔުމުގެ މައްސަލައަށްވުރެ ބޮޑަށް ޚުތުބާ ކޮމިޓީން މި މައްސަލަ ބަލަނީ، އޮންނަ އުޞޫލާއި ޚިލާފަަށް ފާސްކޮށްފައިވާ ޚުތުބާއަށް އުނިއިތުރު ގެނައި މައްސަލާގެ ގޮތުގައެވެ. އަދި އެއީ މަނާކަމެއްކަމަށާއި ފާސްކޮށްފައިވާ ޚުތުބާއަށް އުނި އިތުރު ގެންނަންވެއްޖެނަމަ އެއިން ނުކުންނަ ނަތީޖާ ރަނގަޅު ނުވާނެކަމަށްވެސް މިއުވާން ވިދާޅުވިއެވެ.
”އިސްލާމިކް މިނިސްޓްރީން ފާސްކޮށްފަ އޮންނަ އުސޫލު ތެރޭގަ އޮންނާނެ އިސްލާމިކް މިނިސްޓްރީން ދޭ ހުކުރު ޚުތުބާކަން ހުރިހާ ރަށެއްގަވެސް ކިޔަން ޖެހޭނީ. އެއަށް ބަދަލު ގެނެސްގެން ނުވާނެ ކަން. ނަމަވެސް މީދޫގައި އުނި އިތުރު ގެނައުމުގެ ސަބަބުން އަސްލު އެ މައްސަލައަކަށްވީ“ މިއުވާން ވިދާޅުވިއެވެ.
One Response
ކިހިނެއް އެގެނީ ބަދަލު ކުރިކަން ހަމަ ފިތުނަ އުފެއްދުން