މ. ނިރުފެހިގޭގައި ހިނގި އަލިފާނުގެ ހާދިސާގައި މަރުވި މީހުންގެ ތެރޭގައި ހިމެނޭ އިންޑިއާ އެންމެންގެ ހަށިތައް އެ ގައުމަށް ގެންގޮސްފައިވާ ކަމަށް އިންޑިއާ ހައި ކޮމިޝަނުން މިއަދު ބުނެފި އެވެ.
ނިރުފެހި ގޭގައި މި މަހުގެ 9 ދުވަހުގެ ރޭ ދަންވަރު ހިނގި އަލިފާނުގެ ހާދިސާގައި 10 ބިދޭސީއަކު ވަނީ މަރުވެފައެވެ. މަރުވެފައިވަނީ އިންޑިއާގެ 8 މީހަކާއި ބަންގްލަދޭޝްގެ ދެ މީހެކެވެ.
Fire incident in Malé:
Mortal remains of all 8 Indian nationals, who lost their lives in this unfortunate incident, have been repatriated to India.
We thank Maldivian authorities for their support in this regard.
— India in Maldives (@HCIMaldives) November 17, 2022
މީގެ ކުރިން އިންޑިއާގެ ތިން މީހެއްގެ ހަށިގަނޑު ވަނީ އެ ގައުމަށް ފޮނުވާލާފައެވެ. އަދި ބާކީ ތިބި މީހުންގެ ހަށިތައް ފޮނުވާލެވިފައިވާ ކަމަށް އިންޑިއާ ހައިކޮމިޝަނުން ކުރި ޓްވީޓްގައި ވަނީ ބުނެފައެވެ.
ނިރުފެހިގޭގައި ހިނގި އަލިފާނުގެ ހާދިސާގެ ތަހުގީގަކީ ހާއްސަ ތަހުގީގެއް ކަމަށާއި އެހެންކަމުން ތަހުގީގާއި ގުޅުން ހުރި މައުލޫމާތު ކުރިއަށްދާ ގޮތަށް ބަލައި ހިއްސާ ކުރަމުންދާނެ ކަމަށްވެސް ފުލުހުން ވަނީ ބުނެފައެވެ.
