ރ. އަލިފުށި މަގުތަކުގައި ތާރު އެޅުމުގެ މަޝްރޫއު ރޯޑް ޑެވެލޮޕްމަންޓް ކޯޕަރޭޝަން (އާރުޑީސީ) އާއި ހަވާލުކޮށްފި އެވެ.
ޑިޒައިން އެންޑް ބިލްޑް އުސޫލުން އާރުޑީސީއާއި މި މަސައްކަތް ހަވާލުކޮށްފައި ވަނީ 90 މިލިއަން ރުފިޔާއަށެވެ.
އެއްބަސްވުމުގައި ޕްލޭނިން މިނިސްޓްރީގެ ފަރާތުން ޑިރެކްޓަރ ޖެނެރަލް ފާތިމަތު ޝާނާ ސޮއި ކުރެއްވިއިރު، އާރުޑީސީގެ ފަރާތުން ސޮއި ކުރެއްވީ ކުންފުނީގެ މެނޭޖިން ޑިރެކްޓަރު މޫސާ އަލިމަނިކެވެ.
އެއްބަސްވުމުގައި ވާގޮތުން އާރުޑީސީން ކުރަން ޖެހޭ މަސައްކަތަކީ ރަށުގެ 3.8 ކިލޯ މީޓަރުގެ މަގުގައި ތާރު އެޅުމުގެ މަސައްކަތާއި، މަގުތަކުގައި ފެން ހިންދާ ނިޒާމު ގާއިމު ކުރުމުގެ މަސައްކަތް އަދި މަގު ބައްތި ޖެހުމުގެ މަސައްކަތެވެ.
މަސައްކަތް އާރުޑީސީއާއި ހަވާލުކޮށްފައި ވަނީ 540 ދުވަހުގެ ތެރޭގައި ނިންމާ ގޮތަށެވެ.