“މައި އާސަންދަ” ޕޯޓަލް ތަޢާރަފްކޮށްފި

އާސަންދަ އަށް އޮންލައިންކޮށް އެދެވޭ ގޮތަށް “މައި އާސަންދަ” ޕޯޓަލްގެ ޙިދުމަތް ތަޢާރަފްކޮށްފިއެވެ.

އާސަންދަ ކުންފުނިން ހާމަކޮށްފައިވާ ގޮތުގައި “މައި އާސަންދަ” ޕޯޓަލް އިން ރާއްޖެއިން ބޭރުން ފަރުވާ ހޯދުމަށް ޑޮކްޓަރު ދެއްވާ ރެކޮމެންޑޭޝަން ފޯމު މިމަހު 15 ގެ ފަހުން ބަލައި ގަންނާނީ އެ ޕޯޓަލް މެދުވެރިކޮށް އެކަނި ކަމަށް ބުނެފައިވެއެވެ.

އާސަންދަ ކުންފުނިން ދޭ އެހެން ޙިދުމަތްތައް ވެސް މި ޕޯޓަލް މެދުވެރިކޮށް ހޯދޭ ގޮތަށް ވަނީ ހަމަޖައްސައިފަ އެވެ. އޭގެ ތެރޭގައި ޑޮކްޓަރުންނަށް ރެކޮމެންޑޭޝަން ފޯމު ޕޯޓަލްގެ ތެރެއިން ފުރައި ދިނުމާއި އާސަންދައިގެ އިތުރުން ވެލްފެއާގެ އެހީތެރިކަމަށް އެދި ހުށަހަޅާ ލިޔެކިޔުންތަކާއި އެޕްލިކޭޝަންގެ ސްޓޭޓަސް އާއި އެޕްލިކޭޝަން ކުރިއަށް ގެންދިއުމަށް އިތުރު ލިޔެކިޔުން ބޭނުންވާ ނަމަ، އެވެސް ޕޯޓަލްގެ ތެރެއިން ހުށަހެޅުން ހިމެނެ އެވެ.

“މައި އާސަންދަ” ޕޯޓަލް އަށް އީފާސް މެދުވެރިކޮށް ލޮގިންވެވޭނެ އެވެ.

Launching our 'My Aasandha' Portalhttps://t.co/M4LsZwxIDS pic.twitter.com/Y21oWsPNER

— Aasandha Company Ltd (@AasandhaLtd) August 1, 2023

އާސަންދަ އިން ބުނި ގޮތުގައި މި ބަދަލާއި ފަސޭހައާ އެކީ ދެން ހިދުމަތްތައް ހޯދަން ކުންފުނީގެ ކައުންޓަރަށް ނުވަތަ “ވީރާ” ކައުންޓަރަށް ދާން ނުޖެހޭނެ އެވެ. އެކަމަކު އެ ތަންތަނުން ހިދުމަތް ހޯދުމަށް ބޭނުންވާ ނަމަ، އެ ފުރުސަތު އަދިވެސް އޮންނާނެ އެވެ.