ވެރިކަމަށް ވަޑައިގެން، ސަރުކާރު ހިންގެވުމާއި ހަވާލުވުމަށް ފަހު އާއިލާގެ އެއްވެސް ބޭފުޅަކަށް ދިން ވަޒީފާއެއް ނެތްކަމަށް ދެވަނަ ދައުރަކަށް ވާދަކުރައްވާ ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
އާއިލާއާއި ގާތް ތިމާގެ މީހުން އަދި ރައްޓެހިންނަށް ވަޒީފާތައް ދީގެން ނުވާނެކަމަށް އެމްޑީޕީން އަބަދުވެސް ވަކާލާތު ކުރެ އެވެ. އަދި ކުރީގެ ރައީސް މައުމޫން އަބްދުލްގައްޔޫމްގެ ދިގު 30 އަހަރުގެ ވެރިކަން ބަދަލު ކުރުމަށް، ބުނަމުން ދިޔައީ އެއީ އާއިލީ ވެެރިކަމެއް ކަމަށެވެ.
ރައީސް ސޯލިހުގެ ސަރުކާރުގެ ދައުލަތުގެ އިސް މަގާމުތަކުގައި، އެމަނިކުފާނުގެ އާއިލާގެ މެމްބަރުން ތިބިކަމަށް “ސަންގު ބަހުސް” ގައި ފާޙަގަ ކުރުމުން އެމަނިކުފާނު ވިދާޅުވީ އާއިލާގެ މެމްބަރުންނަށް ވަޒީފާ ދީފައި ނުވާނެ ކަމަށެވެ. އެގޮތުން ކޮމިޝަނާރ އޮފް ޕޮލިސް މުހައްމަދު ހަމީދު އެ މަގާމަށް ވަޑައިގަތީ ކޯޓުން ކުރި ހުކުމަކާއި އެއްގޮތަށްކަމުގައި ރައީސް ވިދާޅުވި އެވެ.
ކޮއްކޯފުޅު ރައީސުލްޖުމްހޫރިއްޔާގެ އޮފީހުގައި މަސައްކަތް ކުރަނީ، މިދިޔަ ވެރިކަމުން ފެށިގެންކަން ފާހަގަކޮށް ރައީސް ސޯލިހު ވިދާޅުވީ އެމަނިކުފާނު ވެރިކަމާއި ހަވާލުވުމަށް ފަހު އެފަދަ މަގާމުތަކުން އެއްވެސް ބޭފުޅަކު ވަކިކޮށްފައި ނުވާނެ ކަމަށެވެ. އެހެންކަމުން އެ މަގާމުގައި ފާތިމަތު ހުރީ އެ ސަބަބާއި ހުރެކަމަށް ރައީސް ވިދާޅުވި އެވެ.
ރައީސް ސޯލިހު ވިދާޅުވީ އާއިލާއަށް ވަކި ނުފޫޒެއް، ނުވަތަ މަގާމެއް ހޯދައިދޭން އެމަނިކުފާނު މަސައްކަތްކޮށްފައި ނުވާނެ ކަމަށެވެ.
advertisment
One Response
ސީޕީ ހަމީދު އިންޓެލިގެންސް ހެޑަކައް ހުއްޓަ ވަޒީފާއިން ވަކިކުރީ. ސުޕްރީމް ކޯޓުން އެނއގިދާނެ ވަޒީފާ އަނބުރާ ދޭން. ސީޕީ ކަމަކީ ރައީސް ދެއްވާ މަގާމެއް. ތިޔަހެން ވަންޔާ މިނިސްޓަރު ކަންދޭންވެސް ކޯޓުތަކަށް އެންގޭނު؟