ޔޫތް މިނިސްޓްރީގެ ޑެޕިއުޓީ މިނިސްޓަރުގެ މަގާމަށް މާލެ ސިޓީ ކައުންސިލްގެ މީޑިއާ އެގްޒެކެޓިވް، އަދި ތަރުޖަމާނަކަށް ހުންނެވި މަރިޔަމް ޝިއުނާ (ނަންނަ) އައްޔަނުކޮށްފި އެވެ.
ނޫސްވެރިންގެ ތެރޭގައި މަގުބޫލު ނަންނަ، އެ މަގާމަށް އައްޔަނު ކުރުމުގެ ކުރިޔަށް ސިޓީ ކައުންސިލްގެ ތަރުޖަމާނުކަމުން އިސްތިއުފާ ދެއްވާފާއިވާކަން މިއަދު މީޑިއާތަކަށް އެންގެވި އެވެ.
ސިޓީ ކައުންސިލްގެ ތަރުޖަމާނަކަށް ދިއުމުގެ ކުރިން، ޝިއުނާއަކީ ނޫސްވެރިއެކެވެ. އެގޮތުން އޭނާ ވަނީ ވީޓީވީ، އާއި ދެވެހި ޗެނަލްގައި މަސައްކަތް ކުރައްވާފަ އެވެ. އަދި ތަރުޖަމާނުކަމުގެ މަގާމުގައި ހުންނަވައި ބައެއް ނޫސްތަކަށް ހަބަރު ލިޔުއްވި އިރު އޭނާއައީ ސަންގުޓީވީގައި ޕާޓް ޓައިމް އެންކާރ އެއްގެ ގޮތުގައި މަސައްކަތް ކުރައްވަމުންނެވެ.
ޝިއުނާ ފާހަގަކުރެވިފައި ވަނީ، ސޯޝަލް މީޑިއާގައި ރައީސް އަބްދުﷲ ޔަމީން އަބްދުލްގައްޔޫމްގެ ދިފާއުގައި މަސައްކަތް ކުރައްވައި ރައީސް ޑރ. މުހައްމަދު މުއިއްޒު ވެސް ވެރިކަމަށް ގެނައުމަށް ގިނަ މަސައްކަތް ކުރެއްވ ބޭފުޅެއްގެ ގޮތުގަ އެވެ. އަދި ޝިއުނަކީ އަކީ ނޫސްވެރިންނާއި ގާތް، މީޑިއާތަކާއި ގާތް ގުޅުމެއް ބާއްވާކަން ފާހަގަކުރެވިފައިވާ ފަރާތެކެވެ.