މި އަހަރުގެ ރޯދަ މަހު ރާއްޖޭގެ ހުރިހާ ގޭބިސީތަކަށް ސަރުކާރުން ބަހާ ހަނޑުލާއި، ފުށް ދެން ދޫކުރާނީ އެސްޓީއޯގެ ކާޑު ގުދަންތަކުންކަމަށް އެ ކުންފުނިން ބުނެފި އެވެ.
މީޑިއާތަކަށް މައުލޫމާތު ދެމުން އެސްޓީއޯއިން ބުނީ ރޯދައަށް ހާއްސަކޮށްގެން ސަރުކާރުގެ ފަރާތުން ކޮންމެ ގޭބިސީއަކަށް ހަދިޔާ ކުރާ 10 ކިލޯ ބާސްމަތީ ހަނޑޫ އަދި 10 ކިލޯ ފުށް ނުގެންދެވި ހުރި ފަރާތްތަކަށް މާދަމާއިން ފެށިގެން މާލޭގެ ކާޑު ގުދަންތަކުން ދޫކުރަމުން ގެންދާނެ ކަމަށެވެ،
އެސްޓީއޯއިން ބުނީ އޭޕްރިލް 9 ގެ ނިޔަލަށް ހުކުރު ދުވަސް ފިޔަވައި ކޮންމެ ދުވަހެއްގެ ހެނދުނު 10:00 އިން މެނދުރުގެ 13:00 އާއި ހަމައަށް ކާޑު ދޫކުރާނެ ކަމަށެވެ.
ކާޑު ދޫކުރަން ހަމަޖެހިފައި ވަނީ ޑޮމެސްޓިކް ކަރަންޓް މީޓަރުގެ ނަންބަރަށް ބެލުމަށް ފަހު، ކާޑުގެ ބާވަތްތައް ބަލައި އަންނަ މީހެއްގެ ދިވެހިރައްޔިތެއްކަން އަންގައިދޭ އައިޑީ ކާޑަށެވެ.
advertisment