މ. އަތޮޅާއި، މާލެ އާއި ދެމުދު ސްޕީޑް ފެރީގެ ހިދުމަތް ދިނުމަށާއި ނ. ރ. ބ އަތޮޅުގައި އާރްޓީއެލް ފެރީގެ ހިދުމަތް ފެށުމަށް ޓްރާންސްޕޯޓް މިނިސްޓްރީއާއި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ( އާއި ދެމެދު އެއްބަސްވުމެއްގައި ސޮއިކޮށްފިއެވެ.
މ. އަތޮޅާއި، މާލެ އާއި ދެމެދު ސްޕީޑް ފެރީގެ ހިދުމަތް ދިނުމަށް މިނިސްޓްރީ ފަރާތުން ސޮއިކުރެއްވީ މިނިސްޓރ މުހައްމަދު އަމީންއެވެ. އެމްޓީސީސީގެ ފަރާތުން ސޮއި ކުރެއްވީ ސީއީއޯ އަބްދުﷲ ޒިޔާދެވެ.
މިވަގުތު އާރުޓީއެލް ފެރީގެ ހިދުމަތްތަށް ތިން ޒޯންނެއްގައި ވަނީ ފަށާފައެވެ. ޒޯން އެކެއްގައި ފަށާފައިވަނީ ހއ، ހދ، އަދި ށ އަތޮޅުގައެވެ. ޒޯން ދޭގައި ހިދުމަތް ފަށާފައިވާ އަތޮޅަކީ ޅ އަތޮޅެވެ. ޒޯން ފަހެއްގައި ގ އަދި ގދ އަތޮޅުހިމެނެއެވެ. ފުއަމުލަކު އަދި އައްޑޫގެ ހިދުމަތްތަށް ކުރިއަށްދަނީ ޒޯން ހައެއްގެ ދަށުންނެވެ. އެމްޓީސީސީގެ މިހާރުގެ މަގްސަދަކީ ރާއްޖޭގެ ހުރިހާ ރަށްތަކެއް ފެރީގެ ނިޒާމުން ގުޅާލުމެވެ.