ރައްޔިތުންގެ މަޖިލިސް އިންތިހާބުން ސަރުކާރުގެ ކޯލިޝަނުން ހޯދި ކާމިޔާބީ ފާހަގަކުރުމަށް ހާއްސަ ހަރަކާތެއް މާދަމާ ރޭ ބޭއްވުމަށް ހަމަޖެހިއްޖެ އެވެ.
މަރުޙަބާ – ދިވެހީންގެ ރާއްޖެ މަޖިލީހަށް ނަމުގައި ބާއްވާ ހަރަކާތް އޮންނާނީ ހޯމަ ދުވަހުގެ ރޭގަނޑު 08:30 ގައި އާޓިފިޝަލް ބީޗުގަ އެވެ.
މިއަދު އޮތް މަޖިލިސް އިންތިހާބު ޕީއެންސީ ކާމިޔާބު ކުރީ ސުޕަ މެޖޯރިޓީއާއި އެކުކަމަށްވާއިރު، މިއީ މަޖިލީހަށް އެއް ޕާޓީއަކަށް މިހާ ގިނަ އަދަދެއްގެ ގޮނޑި ލިބުނު ފުރަތަމަ ފަހަރެވެ.
ރައްޔިތުންގެ މަޖިލީހުގައި ދުވަސް ވީ އެމްޑީޕީގެ ގިނަ މެމްބަރުން ބަލިކޮށް، މި އިންތިހާބު ކާމިޔާބު ކުރީ ޒުވާނުންނެވެ.