ގާނޫނީ ވަކީލުންގެ ބެލެނިވެރި ފަރާތް ކަމުގައިވާ ބާ ކައުންސިލްގެ ބައި އިލެކްޝަން ނޫރުބާން ފަހުމީ ކާމިޔާބު ކުރައްވައިފިއެވެ.
މިއަދުގެ ވޯޓުގެ ނަތީޖާގައިވާ ގޮތުން އެ މަގާމު ކާމިޔާބު ކުރެއްވި ނޫރުބާނަށް 101 ވޯޓު ވަނީ ލިބިވަޑައިިގެންފަ އެވެ. އޭނާއާ ވާދަކުރެއްވި އަބްދުލްސަލާމް އާރިފަށް ލިބިވަޑައިގަތީ 97 ވޯޓެވެ. ބާ ކައުންސިލްގެ ހުސްވެފައިވާ މަގާމަށް ކުރިމަތިލެއްވީ ދެ ބޭފުޅުން އެކަންޏެވެ.
ބާ ކައުންސިލްގެ ބައި އިލެކްޝަން ބާއްވަން ޖެހުނީ ކުރިން އެ މެންބަރު ކަމުގައި ހުންނެވި އައިޝާ ޝަޖޫން މުހައްމަދު ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރެއްވުމުންނެވެ.
މިއަދު ހެނދުނު 9:00 އިން ފެށިގެން 3:00 ގެ ނިޔަލަށް ކުރިއަށް ގެންދިޔަ ބާ ކައުންސިލްގެ އިންތިހާބުގައި 695 ގާނޫނީ ވަކީލަކަށް ވޯޓް ލުމުގެ ހައްގު ލިބިގެންވެ އެވެ.
https://twitter.com/MvBarCouncil/status/1177908406394343424?s=19