ލޯކަލް ކައުންސިލް އިންތިހާބުގެ އެމްޑީޕީގެ އެތެރޭގެ އިންތިހާބު މިފަހަރު ވަރުގަދަ ވާނެ

އަންނަ އޭޕްރިލް މަހުގެ 4 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބުގައި ރާއްޖޭގެ ހަތަރު ސިޓީގެ މޭޔަރުކަމަށް ވާދަ ކުުރުމަށް އެމްޑީޕީގެ ޓިކެޓަށް އެދި 14 ފަރާތަކުން ކުރިމަތިލާފައިވާކަމަށް ވެރިކަން ކުރާ މައިޓީއިން ބުނެފިއެވެ.

އެމްޑީޕީން ވަނީ ކައުންސިލް އިންތިހާބުގެ ރަށުކައުންސިލް، އަތޮޅު ކައުންސިލް އަދި ސިޓީ ކައުންސިލް އިންތިހާބުގައި ޕާޓީ ޓިކެޓު ހޯދުމަށް ވާދަކުރާ ކެންޑިޑޭޓުން އިންތިހާބު ކުރުމަށް ބާއްވާ ޕްރައިމަރީއަށް ފުރުސަތު ބަންދުވީ ރޭއެވެ. އިލެކްޝަންސް ކޮމިޝަނުން، ރަސްމީކޮށް އިންތިހާބުގައި ވާދަކުރުމަށް ފޯމު ހުށަހެޅުމުގެ ފުރުސަތު އަދި ހުޅުވައެއް ނުލައެވެ. އިންތިހާބު ބާއްވާނެ ތާރީހެއްގެ ގޮތުގައި އީސީން ހާމަަކޮށްފައިވަނީ އޭޕްރިލް މަހުގެ 4 ވަނަ ދުވަހެވެ.

ކައުންސިލް އިންތިހާބަށް އެމްޑީޕީން ވެސް ގިނަ ތައްޔާރީތަކެއް ވަމުން އަންނައިރު، ޕާޓީގެ ވެބްސައިޓުގައި ޕްރައިމެރީއާއި ބެހޭ މައުލޫމާތުތައް ހިއްސާކޮށް ބުނެފައިވަނީ ކެނޑިޑޭޓުންގެ ލިސްޓު ޖެނުއަރީ 13 ގައި އިއުލާނު ކުރާނޭކަމަށެވެ. އަދި ކައުންސިލް އިންތިހާބަށް ވާދަކުރާ ފަރާތްތަކުގެ މެދުގައި ނެގޭ ޕްރައިމެރީ ވޯޓުގައި، ވޯޓު ލެވޭ ފަރާތްތަކުގެ ލިސްޓާއި އެކު ޝަކުވާ ހުށަހެޅުމަށް ތިން ދުވަހުގެ މުއްދަތެއް ލިބިގެންދާނެ ކަމަށާއި، ފައިނަލް ވޯޓާސް ލިސްޓު އާއްމު ކުރާނީ ޖެނުއަރީ މަހުގެ 15 ގައި ކަމަށް އެމްޑީޕީން ވަނީ ބުނެފައެވެ.

އެމްޑީޕީގެ އިންތިހާބާއި ބެހޭ ކޮމިޓީގެ މުގައްރިރު އަދި ހެންވޭރު އުތުރު ދާއިރާގެ މެމްބަރު އިބްރާހިމް މުއިއްޒު ވިދާޅުވީ މާލެ ސިޓީ އާއި އައްޑޫ އަދި ފުވައްމަލު ސިޓީގެ މޭޔަރު ކަމަށް އެމްޑީޕީގެ ޓިިކެޓް ހޯދަން އެޕާޓީގެ ޕްރައިމަރީގައި ވާދަ ކުރުމަށް 14 ބޭފުޅަކު ފޯމް ހުށައަޅާފައިވާ ކަމަށެވެ. މަލޭގެ މޭޔަރު ކަމަށް ވާދަ ކުރުމަށް އެމްޑީޕީގެ ޓިކެޓަށް އެދި ހަތް ބޭފުޅަކު ހުށަހެޅިއެވެ. އަދި އައްޑޫގެ މޭޔަރުކަމަށް ތިން ފޯމެއް ހުށަހަޅާފައިވާއިރު ފުވައްމުލަކު ސިޓީއިން ހަތަރު ބޭފުޅަކު ވަނީ ޕްރައިމެރީގައި ވާދަ ކުރުމަށް ފޯމު ހުށަހަޅާފައެވެ. އެމްޑީޕީން ވަނީ ދާދިފަހުން ސިޓީއެއްގެ ގޮތުގައި ކަނޑައެޅި ކުޅުދުއްފުށީގެ މޭޔަރުކަމަށް ވާދަ ކުރުމުގެ ފުރުސަތު ހުޅުވާލާފައެވެ.

ޕާޓީގެ ޕްރައިމެރީގައި ވާދަ ކުރުމަށް ކައުންސިލް އިންތިހާބަށް ހުށަހެޅި ފޯމުތަކުގެ އަދަދު 1،400 އިން މައްޗަށް އަރައެވެ.

މި ފަހަރުގެ އިންތިހާބަށް ބަލާއިރު ކައުންސިލް އިންތިހާބު ވާދަވެރިވާނެ ކަމަށް ބެލެވެއެވެ. ލާމަރުކަޒީ ނިޒާމަށް ދާދި ފަހުން ގެނައި ބޮޑެތި ބަދަލުތަކުގެ ތެރެއިން، މިއީ ބައްވާ ފުރަތަމަ އިންތިހާބެވެ. އަދި ލާމަރުކަޒީ ނިޒާމު ރާއްޖެއަށް ތައާރަފްކުރުމަށްޓަކާ އެންމެ ގިނަ މަސައްކަތްތަކެއް ކުރީވެސް އެމްޑީޕީއިންނެވެ.

ލާމަރުކަޒީ ގާނޫނަށް ގެނައި އިސްލާހުގައިވާ ގޮތުން، ރަށްރަށުގައި ތަރައްގީގެ މަޝްރޫއުތައް ހިންގުމާއި ކަންކަމަށް އިންވެސްޓު ކުރުމުގެ ބާރު ކައުންސިލްތަކަށް މިހާރު ލިބެ އެވެ. ޚާއްސަކޮށް ކައުންސިލްތަކަށް މާލީ ބާރުތަކެއް ސަރުކާރުން ވަނީ ދޫކޮށްފަ އެވެ. މިއަހަރުގެ ބަޖެޓުގައި ކައުންސިލްތަކަށް ހިލޭ އެހީގެ ގޮތުގައި 1.6 ބިލިއަން ރުފިޔާ ވަނީ ކަނޑައަޅައިފަ އެވެ. ގާނޫނުއަސާސީ އަށް ގެނައި ބަދަލުތަކުގެ ތެރޭގައި ރަށު ކައުންސިލާއި ސިޓީ ކައުންސިލާއި އަތޮޅު ކައުންސިލްގައި ހިމެނޭނީ އެ ކައުންސިލް ނިސްބަތްވާ ރަށުގެ ރައްޔިތުން ދިމިގްރާތީ އުސޫލުތަކުގެ މަތީން ސިއްރު ވޯޓަކުން ކައުންސިލަށް އިންތިހާބު ކުރާ މެމްބަރުން ކަމަށް ބުނެފައިވެ އެވެ.

އިދާރީ ދާއިރާތައް ހިންގުމަށްޓަކައި އުފައްދާ ރަށު ކައުންސިލްތަކާއި އަތޮޅު ކައުންސިލްތަކުގެ ރައީސުން އަދި ސިޓީ ކައުންސިލްތަކުގެ މޭޔަރުން އިންތިހާބު ކުރާނީ އެ ކައުންސިލް ނިސްބަތްވާ ސަރަހައްދުގެ ރައްޔިތުންގެ މެދުގައި ދިމިގްރާތީ އުސޫލުން ނަގާ ސިއްރު ވޯޓަކުން ކަމަށް ގާނޫނުއަސާސީ އަށް ގެނައި ބަދަލުގައިވެ އެވެ.

ކައުންސިލް އިންތިހާބުގައި އެމްޑީޕީން އެންމެ ބޮޑަށް ފާހަގަކުރާ އެއް ކަމަކީ އަންހެނުންނަށް ކަނޑައެޅި 33 އިންސައްތައެވެ. ސިޔާސީ މައިދާނުގައި އަންހެނުން ބާރުވެރިކުރުވާ، އަންހެނުން ކުރީ ސަފަށް ނެރުނު ޕާޓީއަކީ އެމްޑީޕީއެވެ. އެއަށްފަހު، މި ފަހަރުގެ ކައުންސިލް އިންތިހާބުގައި ގިނަ އަންހެނުން ވާދަ ކުރާކަން ފާހަގަ ކުރެވެއެވެ.

ކައުންސިލް އިންތިހާބުގައި، ވާދަ ކުރާ ފަރާތައް ވަނީ ދާއިރާގެ ކެމްޕެއިން ފަށާފައެވެ. އެމްޑީޕީން މިދިޔަ ނޮވެމްބަރު މަހު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ޕާޓީގެ އިންތިހާބާ ބެހޭ ކޮމެޓީގެ މުގައްރިރު މުހައްމަދު އިބްރާހިމް މަނިކު ވިދާޅުވީ އެމްޑީޕީގައި ރަޖިސްޓްރީގައި 87،439 މީހުން އެބަތިބި ކަމަށެވެ. އެ އެންމެންނަކީ ވެސް ވޯޓު ލިބުނުމުގެ ހައްގު ލިބިގެންވާ މީހުންކަމަށް އޭނާ ވިދާޅުވެފައި ވެއެވެ.

ލޯކަލް ކައުންސިލް އިންތިހާބުގައި މި ފަހަރު 980 ކައުންސިލަރުން އިންތިހާބު ކުރެ އެވެ. އޭގެ ތެރެއިން 33 ޕަސެންޓް ވަނީ އަންހެނުންނަށް ހާއްސަ ކޮށްފަ އެވެ. އިންތިހާބު އޮންނާނީ އަންނަ އޭޕްރީލް މަހުގެ ހަތަރުވަނަ ދުވަހުއ