ގއ. އަތޮޅުގައި ހުޅުވާފައިވާ ޒަމާނީ މަތީ ފެންވަރުގެ ރިސޯޓެއް ކަމަށްވާ ޕުލްމަން މާމުޓާ މޯލްޑިވްސްގައި ތަރައްގީކުރި މޫދު އަޑީގެ ވިލާ ހުޅުވައިފި އެވެ.
މި ވިލާ ފަރުމާ ކޮށްފައި ވަނީ މި ވިލާގައި ތިބޭއިރު، ކަނޑު އަޑީގެ ރީތި މާހައުލު ފެންނަން ގޮތަށެވެ. މީގެ އިތުރުން މި ވިލާއާއެކު ފެން މަތީގައި ވިލާގެ އިތުރު ބައެއް ވެސް ހިމެނެ އެވެ. މި ބައިގައި ކެފޭ، ރެސްޓޯރެންޓް ފަދަ ގިނަ ވަސީލަތްތަކެއް ހުރެ އެވެ.
1216 އަކަފޫޓުގެ މި ވިލާގައި ހިތްފަސޭހަ 2 ކޮޓަރި ހުރެއެވެ.
ރާއްޖެއަކީ ފުރަތަމަ މޫދު އަޑީގެ ރެސްޓޯރެންޓު ހުޅުވި ގައުމެވެ. “އިތާ” ގެ ނަމުގައި މި ރެސްޓޯރެންޓް ހަދާފައި ވަނީ ކޮންޑްރެޑް މޯލްޑިވްސް ރަންގަލި ރިސޯޓުގަ އެވެ.