ހުޅުމާލޭގައި ދެ ކާރެއް މުޑި އަރައި ދެ ކާރަށް ވެސް ބޮޑެތި ގެއްލުންތަކެއް ވެއްޖެއެވެ.
އެނގިފައިޥާ ގޮތުގައި މި ހަދިސާ ހިނގީ ރޭ ފަތިހުގެ ވަގުތެއްގައި ހުޅުމާލޭގައި އިމާރާތް ކުރަމުން އަންނަ ސިފައިންގެ ފްލެޓްތައް ކައިރިންނެވެ.
ޕްރައިވެޓް ދެ ކާރު މުޑި އަރައި މި ނުރައްކާތެރި ހާދިސާ ހިނގިއިރު ދެކާރުގައި ވެސް ޑްރައިވަރުންގެ އިތުރުން އިތުރު މީހަކު ނެތް ކަމަށް މައުލޫމަތު ލިބެއެވެ. އަދި އެ ދެމީހުންނަށް މާ ބޮޑު އަނިޔާއެއް ލިބިފައި ނުވެއެވެ.
އެ ކާރުތައް މިހާރު ވަނީ އެސަރަހައްދުން ނަގައިގެން ގެންގޮސްފައެވެ.
މިއެކްސިޑެންޓާއި ގުޅިގެން ފުލުހުންގެ ބަހެއް އަދި މިހާތަނަށް ލިބިފައި ނުވެއެވެ.
ފަހަކަށް އައިސް މާލެ އާއި ހުޅުމާލޭގައި ހިނގާ އެކްސިޑެންޓްތައް މަދުކުރުމަށް ފުލުހުން ދަނީ ފިޔަވަޅުތަކެއް އަޅަމުންނެވެ. ނަމަވެސް، އޭގެ އެންމެ އެދެވޭ ނަތިޖާ އަދި ނުފެނެއެވެ.