ކޮރޯނާ ވައިރަސް (ކޮވިޑް-19) ޖެހިގެން މަރުވި މީހުންގެ އަދަދު 1800 އަށްވުރެ މައްޗަށް އަރައިފިއެވެ.
އެގޮތުން، މި ބަލީގައި ހަމައެކަނި ޗައިނާ އިން މަރުވި މީހުންގެ އަދަދު މިހާރު ވަނީ 1868 އަށް އަރާފައެވެ.
ޗައިނާ އިން ކޮވިޑް-19 ޖެހުނު މީހުންގެ އަދަދު މިހާރު ވަނީ 72436 އަށް އަރާފައެވެ. އަދި ދުނިޔޭގެ ހުރިހާ ސަރަހައްދަކުން ކޮވިޑް-19 ޖެހުނު މީހުންގެ އަދަދުގެ ޖުމުލަ ވަނީ 73325 އަށް އަރާފައެވެ.
މި ބަލި ޖެހުނު މީހުންގެ ތެރެއިން 12552 މީހުން ބަލިން ރަނގަޅުވެ ގަދަވެފައިވާކަން ވެސް ފާހަގަކުރެވެއެވެ.
ޗައިނާގެ އިތުރުން މި ބަލި ފެނިފައި ވަނީ ޖުމުލަ 12 ގައުމަކުންނެވެ.