ދިވެހި ސަރުކާރުގެ އީމެއިލް އެޑްރެސްތަކެއް ޕާސްވޯޑް ހިމެނޭހެން މުހިންމު މަޢުލޫމަތުތަކެއް އިންޓަނެޓްގައި ލީކުކޮށްލައިފި އެވެ.
މިގޮތުން، ހެކަރުން ލީކުކޮށްލައިފައިވާ ޕާސްވޯޑުތަކުގެ ތެރޭގައި ދިވެހި ސަރުކާރުގެ އީމެއިލްތަކުގެ ޔޫސާ ނަންތަކާއި ޕާސްވޯޑުތައް ހިމެނެއެވެ.
ލީކުކޮށްލައިފައިވާ އީމެއިލް ޕާސްވޯޑުތަކުގެ ތެރޭގައި ގިނައިން ހިމެނެނީ އެކި މުއައްސަސާތަކުގެ މުވައްޒަފުންގެ އޮފީސް އީމެއިލްތަކުގެ ޕާސްވޯޑުތަކެވެ. އޭގެ ތެރޭގައި މިހާރު ވަޒީފާއިން ވަކިވެފައިވާ މުވައްޒަފުންގެ އީމެއިލްތަކާއި ޕާސްވޯޑްތައް ވެސް ހިމެނެއެވެ.
ޖެނުއަރީމަހުގެ ފަހުކޮޅު ލީކޮކޮށްލާފައިވާ މި މަޢުލޫމާތތަކުގެ ތެރޭގައި ހިމެނެނީ ހަމައެކަނި ދިވެހި ސަރުކާރާއި ގުޅުންހުރި އެއްޗެއްސެއް ނޫނެވެ. އޭގެ ތެރޭގައި، އެހެން ބައެއް ގައުމުތަކުގެ ސަރުކާރު އޮފިޝަލުންގެ އީމެއިލްތަކާއި ޕާސްވޯޑްތައް ވެސް ހިމެނެއެވެ.
ސައިންސް އެންޑް ކޮމިއުނިކޭޝަނުން ބުނީ، މީގެ ސަބަބުން ދައުލަތުން ބަލަހައްޓަން ޖެހޭ މުހިންމު އެއްވެސް މައުލޫމާތަކަށް ނުރައްކަލެއް ނެތް ކަމަށެވެ.
advertisment