އުމުރާއި ނުގުޅޭ މަންޒަުތަކެއް ފެންނަ ވީޑިއޯއެއް ދ. މާއެނބޫދޫ ސްކޫލްގެ ދަރިވަރުންތަކަކަށް އެސްކޫލްގެ ޓީޗަރަކު ދެއްކި މައްސަލައެއް ފެންމަތިވެއްޖެއެވެ.
ފުލުހުން ބުނެފައި ވަނީ މާއެނބޫދޫ ސްކޫލްގެ ބިދޭސީ ޓީޗަރަކު އެސްކޫލްގެ ގްރޭޑް 7 ގެ ދަރިވަރުންތަކަކަށް ނިވާކަން ކުޑަކޮށް ތިބި ބަޔަކު ފެންނަ ޑޮކިއުމެންޓަރީއެއް ދެއްކި މައްސަލައެއް 2020 ފެބުރުވަރީ 17 ވަނަ ދުވަހު ފުލުހުންނަށް ހުށަހެޅިފައިވާ ކަމަށާއި މައްސަލަ ތަޙްޤީޤު ކުރަމުންދާކަމަށެވެ. ނަމަވެސް، މައްސަލަ ފުލުހުންނަށް ހުށައެޅީ ކޮން ފަރާތަކުންކަން ސާފެއް ނުވެއެވެ.
ދަރިވަރުން ވަނީ މި މައްސަލަ ބެލެނިވެރިންނާއި ސްކޫލްގެ ސަމާލުކަމަށް ގެނެސްފައެވެ.
މި މައްސަލައިގައި މިހާތަނަށް އެއްވެސް މީހަކު ގައްޔަރު ކޮށްފައެއް ނުވެއެވެ.
މީގެއިތުރުން ވީޑިއޯ ދެއްކި ޓީޗަރާއި މެދު އަދި މިހާތަނަށް ސްކޫލުން ފިޔަވަޅެއް ނާޅައެވެ.