ލޮކްޑައުންގެ މުއްދަތުގެތެރޭގައި 3 ދުވަހު ބޭންކްތައް ހުޅުވާގޮތަށް މޯލްޑިވްސް މަނިޓަރީ އޮތޯރިޓީން (އެމްއެމްއޭ) ނިންމައިފިއެވެ.
އެ އޮތޯރިޓީނ މީގެ ކުޑައިރުކޮޅެއް ކުރިން ބުނީ، މިއަދުން ފެށިގެން، މި މަހުގެ 28 ވަނަ ދުވަހުގެ ނިޔަލަށް 3 ދުވަހު، އެ އޮތޯރިޓީއާއި އެހެނިހެން ބޭންކްތައް ހުޅުވާނެކަމަށެވެ.
މީގެ އިތުރުން އެ އޮތޯރިޓީން ބުނީ، ބޭންކްތައް ހުޅުވާނީ، ޒަރޫރީ ބޭންކިންގެ ޚިދުމަތް ފޯރުކޮށްދިނުމަށް ކަމަށެވެ.
މި ގޮތުން، މި މަހުގެ 18 ވަނަ ދުވަހާއި، 20 ވަނަ ދުވަހާއި، 26 ވަނަ ދުވަހުގައި ބޭންކުތައް ހުޅުވާނެކަމަށް އެމްއެމްއޭއިން ބުނެެއެވެ.
އަދި ބޭންކްތައް ހުޅުވިފައި ހުންނާނީ، މި 3 ދުވަހު ވެސް، ހެނދުނު 09:30 އިން ފެށިގެން، މެންދުރު 12:00 އަށްކަމަށް އެމްއެމްއޭއިން ބުނެއެވެ.
އެމްއެމްއޭއިން، މި 3 ދުވަހު ބޭންކްތައް ހުޅުވިކަމުގައިވިޔަސް، މި ދުވަސްތަކުގައި ޢާންމުންނަށް ޚިދުމަތްދިނުމަށް ހަމަޖެހިފައިނުވާކަމަށް ބުނެފައިވެއެވެ.
މި މަހުގެ 28 ވަނަ ދުވަހަށް މާލޭ ސިޓީ ލޮކްޑައުންކޮށްފައިވާއިރު، ސަރުކާރު އޮފީސްތައް ނުހުޅުވާގޮތަށް ވެސް، ރައީސުލްޖުމްހޫރިއްޔާ ވަނީ ނިންމަވާފައެވެ. އެހެންނަމަވެސް އަސާސީ ޚިދުމަތްތައް ފޯރުކޮށްދިނުމަށް ރައީސްވަނީ އަންގަވާފައެވެ.
advertisment