ފުލެޓް ލިސްޓު އާންމު ކުރީ ކޮވިޑް ވައްކަމުގައި މަތިއަޅާ ފޯކަސް އަބުރާލަން: ޑރ.މުއިއްޒު

ފުލެޓް ލިސްޓު އާންމުކުރީ ކޮވިޑާއި ގުޅިގެން ހިނގް ޖަރީމާތަކުގެ ފޯކަސް އަނބުރާލުމަށް ކަމަށް ކުރީގެ ހައުސިންގ މިނިސްޓަރ އަދި މާލޭ މޭޔަރުކަމަށް ޕީޕީއެމްއިން ވާދަކުރައްވާ ޑރ.މުޙައްމަދު މުއިއްޒު ވިދާޅުވެއްޖެއެވެ.

މިހާތަނަށް 111 ފަރާތެއް އުނިކޮށް 4 ކެޓަގަރީގެ ފްލެޓް ލިސްޓު މިއަދު އާންމުކުރުމާއި ގުޅިގެން ޑރ.މުއިއްޒު ކުރެއްވި ޓްވީޓުގައި ވިދާޅުވެފައިވަނީ، އެތައް ހާސް ބައެއްގެ ބޯހިޔާވަހިކަމުގެ ޙައްޤު ނިގުޅައިގަނެފައިވާކަމަށެވެ. އަދި މިކަން ކުރަމުން ދަނީ ކޮވިޑް19 އާއި ގުޅިގެން ސަރުކާރުން ކުރަމުންދާ ކަންކަން ފޮރުވުމަށް ކަމަށްވެސް މުއިއްޒުގެ ޓްވީޓްގައި ވިދާޅުވެފައިވެއެވެ.

”ކޮވިޑް މެނޭޖް ކުރުމުގައި ވަމުންދާ އިހުމާލާއި، ހިޔާނަތާއި، ހިންގި އަދި ހިންގަމުންދާ ކޮރަޕްޝަނާއި ވައްކަމުގައި މަތިޖަހާ ފޯކަސް އަނބުރާލުމަށްޓަކާ، އެތައް ހާސް ރައްޔިތުންގެ ބޯހިޔާވަހިކަމުގެ ޙައްގު ނިގުޅައިގަނެ، މަގުމަތިކުރަމުން ދާ ދިޔުމަށް ރައްޔިތުން ޖަވާބު ދޭނެ ދުވަސް އަންނާނެ“

Covid manage kurumugai vaa ihmaalaa, khiyaanaathaai, hingi adhi hungamundhaa corruptionaa vakkamugai 'mathi jahaa' focus anburaalumahtakaa ethah haas rayyithunnege boahiyaavahi kamuge haqqu nigulhaigane, magumathikuramun dhaa dhiyumah rayyithun javaabu dheyne dhuvas annaane IA!

— Dr Mohamed Muizzu (@MMuizzu) August 24, 2020

މުއިއްޒު މިގޮތަށް ތުހުމަތު ކުރައްވާއިރު ހައުސިންގ މިނިސްޓަރ އަސްލަމް މިއަދު ވިދާޅުވީ، މި ސަރުކާރުން ފުލްޓް ދޫކުރުމުގައި ވައްކަން ނުކުރާނެކަމަށެެވެ. އަދި ތާއީދު ކުރަނީ ކާކަށްތޯ ނުވަތަ ވޯޓު ދޭނީ ކާކަށްތޯ ސުވާލު ނުކުރާނެކަމަށެވެ.

2018 ވަނަ އަހަރު އިޢުލާނުކޮށްފައިވާ ހިޔާ މަޝްރޫޢުގެ 7000 ހައުސިންގް ޔުނިޓްގެ ތެރެއިން މިހާރު ހުރި 6720 ހައުންސިންގ ޔުނިޓް ކެޓަގަރީތަކަށް ކަނޑައަޅާގައިވާ ގޮތުގެ މަޢުލޫމާތު މިއަދުގެ ޕްރެސްކޮންފަރެންސްގައި ޙިއްޞާކުރައްވާފައިވެއެވެ. ފްލެޓް ކޮމެޓީން ރިވިއުކުރެއްވުމަށް ފަހު މިއަދު ޢާންމުކުރެއްވީ 4 ކެޓަގަރީއެއްގެ ވަގުތީ ލިސްޓެވެ. އެއީ ޑޮކްޓަރުންނާއި ނަރުހުންނަށް ޚާއްޞަ ކެޓަގަރީ، ޓީޗަރުންނަށް ޚާއްޞަ ކެޓަގަރީ، މާލޭ ރަށްވެހިންނަށް ޚާއްޞަ ކެޓަގަރީ އަދި ނުކުޅެދުންތެރިކަން ހުންނަ ފަރާތްތަކާއި އާއިލާތަކަށް ޚާއްޞަ ކެޓަގަރީއެކެވެ.