ހިޔާ މަޝްރޫއުގެ ދަށުން ހުޅުމާލޭ ދެވަނަ ފިޔަވަހީގައި ތަރައްގީ ކޮށްފައިވާ ފުލެޓްތަށް ލިބޭނެ ފަރާތްތަކުގެ ލިސްޓު އާންމުކޮށް ޝަކުވާ ހުށައެޅުއްވުމުގެ ފުރުސަތު ހުޅުވާލައިފިއެވެ.
މިއަދު އާންމު ކޮށްފައިވަނީ H4 ޑަކްޓަރުންނާއ ނަރުހުންގެ ލިސްޓާއި، H5 ޓީޗަރުންގެ ލިސްޓާއި، H8 ޚާއްސައެހީއަށް ބޭނުންވާ ފަރާތްތަކުގެ ލިސްޓާއި، H10 މާލޭ ރަށްވެހިންނަށް ޚާއްސަ ލިސްޓެވެ.
ލިސްޓުތަކާގުޅޭގޮތުން ޝަކުވާއެއް އޮތްނަމަ hcp.presidency.gov.mv އަށް 14 ސެޕްޓެންބަރު 2020 އާ ހަމައަށް ހުށަހެޅުއްވޭނެއެވެ.
ހިޔާ މަޝްރޫޢުގެ H4 ޑަކްޓަރުންނާއ ނަރުހުންގެ ލިސްޓާއި، H5 ޓީޗަރުންގެ ލިސްޓާއި، H8 ޚާއްސައެހީއަށް ބޭނުންވާ ފަރާތްތަކުގެ ލިސްޓާއި، H10 މާލޭ ރަށްވެހިންނަށް ޚާއްސަ ލިސްޓުވަނީ ޢާންމުކުރެވިފައި.
ތިރީގައިވާ ލިންކުން އެލިސްޓުތައް ފެނިވަޑައިގަންނަވާނެ. https://t.co/geGNbjJgez
— Min.of National Planning, Housing & Infrastructure (@MoNPImv) August 27, 2020
ލިސްޓު އާންމުކޮށް ޝަކުވާއަށް ހުޅުވާލާފައިވާއިރުު، ފުލެޓް ތަކަށް ޝަރުތު ހަމަވެ، ފްލެޓު ލިބުނުކަމަށް ސަރުކާރުން ލިޔުން ދޫކޮށްފައިވާ މީހުންގެ ތެރެއިން، މި ސަރުކާރުގައި އިއުލާންކުރާ ލިސްޓުން ނަން އުނިކޮށްފައިވާ މީހުންނަށް ހިލޭ ގާނޫނީ އެހީތެރިކަން ދޭން ނިންމާފައިވާ ކަމަށް އިކުއިޓީ ޗެމްބާޒް އިން ވަނީ ބުނެފައެވެ.
އެގޮތުން “ހިޔާ” މަޝްރޫއުގެ ފްލެޓުތަކަށް ޝަރުތު ހަމަވެ، ފްލެޓު ލިބުނުކަމަށް ސަރުކާރުން ލިޔުން ދޫކޮށްފައިވާ ފަރާތްތަކާއި، ފްލެޓް ލިބުނުކަމަށް ޝަރުތު ހަމަވެ، ނަން ގެޒެޓުކުރެވިފައިވާ ފަރާތްތަކުގެ ތެރެއިން، ސަރުކާރުން “ބޭއިންސާފުން” އެ ލިސްޓުތަކުން އުނިކުރާ ފަރާތްތަކަށް އިންސާފު ހޯދައިދިނުމުގެ މަސައްކަތް އެ ލޯފާމުގެ ފަރާތުން ހިލޭ ސާބަހަށް ކޮށްދިނުމަށް ނިންމާފައިވާ ކަމަށް ބުނެފައިވެއެވެ.
ކުރީ ސަރުކާރުން އެކުލަވާލި ލިސްޓުގައި ހިމެނޭ ފަރާތްތަކުގެ ތެރެއިން 50 ޕަސެންޓަށް ވުރެ ދަށުން ޕޮއިންޓް ލިބިގެން ޖުމްލަ 111 މީހަކު ވަނީ ހަތަރު ކެޓަގަރީއިން ޑިސްކޮލިފައިކޮށްފަ އެވެ.
advertisment