މި އަހަރު ރާއްޖޭން ހައްޖަށް މީހުން ގެންދާ ކުންފުނިތަކުން ދައްކާފައިވާ ރެޖިސްޓްރޭޝަން ފީ އަނބުރާ ދޭން އިސްލާމިކް މިނިސްޓްރީން ނިންމައިފި އެވެ.
ކޮވިޑް-19 އާ ގުޅިގެން މިއަހަރު ހައްޖު އަޅުކަން އަދާ ކުރުމުގެ ފުރުސަތު ދީފައި ވަނީ ހަމައެކަނި ސައުދީ އަރަބިއްޔާގައި ދިރިއުޅޭ މީހުނަށެވެ.
އިސްލާމިކް މިނިސްޓްރީން ބުނީ 1441ވަނަ އަހަރު ރާއްޖެއިން ޙައްޖަށް މީހުން ގެންދިޔުމަށްޓަކައި 18 ކުންފުންޔަކުން ޕްރޮޕޯސަލް ރަޖިސްޓްރޭޝަން ފީ ދައްކާފައިވާކަމަށެވެ. އަދި އެ އިން ކޮންމެ ކުންފުންޏަކުން 10000 ރުފިޔާ ފީގެ ގޮތުގައި ދައްކާފައިވާކަމަށެވެ.
މިނިސްޓްރީން ބުނީ ޕްރޮޕޯސަލް ހުށަހަޅައި ފީ ދައްކާފައިވާ ފަރާތްތަކުން އަމަު ކުރަންވީ ގޮތް މިނިސްޓްރީން އެ ފަރާތްތަކަށް ގުޅައި އަންގާނެ ކަމަށެވެ.