މާލޭ ވޯޓާ އެންޑް ސުވަރޭޖް ކޮމްޕެނީ (އެމްޑަބްލިއުއެސްސީ)ގެ “ވޯޓާ ސެކިއުރިޓީ ޕްލޭނިން”ގެ ދަށުން މާލޭގައި ފެން ރައްކާ ކުރާ އިތުރު ދެ ތާންގި ބެހެއްޓުމުގެ މަސައްކަތް ފަށައިފި އެވެ.
މިއަދު އެ މަސައްކަތް ރަސްމީކޮށް ފަށްޓަވައިދެއްވާފައިވަނީ އެމްޑަބްލިއުއެސްސީގެ މެނޭޖިން ޑިރެކްޓަރު ހަސަން ޝާހުގެ އިތުރުން ކުންފުނީގެ މެނޭޖްމެންޓް ބޭފުޅުންނެވެ.
ފެން ރައްކާކުރުމުގެ އިތުރު ދެ ތާންގި ބެހެއްޓުމުގެ މަސައްކަތް ފުރަތަމަ ކުރިއަށް ގެންދިޔުމަށް ހަމަޖެހިފައިވަނީ މާލޭގެ 378 ނަމްބަރު ސްލޮޓުގައި ކަމަށް އެމްޑަބްލިއުއެސްސީއިން ބުންޏެވެ.
އެ މަޝްރޫއުގެ ދަށުން ދެ ތާންގީގެ އިތުރުން ފެން ފޯރުކޮށްދިނުމަށް ޕަމްޕް ރޫމެއް ގާއިމުކުރާނެ އެވެ. އަލަށް ބަހައްޓާ ދެ ތާންގީން ކުރެ ކޮންމެ ތާންގީ އަކުވެސް 13،648 ކިއުބިކް މީޓަރުގެ ފެން ރައްކާކުރެވޭނެ ކަމަށް ފެން ކުންފުނީން ބުނެއެވެ.
advertisment