ގާނޫނާ ހިލާފުވާ ފަރާތްތަކަށް ފިޔަވަޅު ނާޅާނަމަ މި ހިންގަނީ ގާނޫނީ ދައުލަތެއްތޯ، މެދު ހެންވޭރު ދާއިރާގެ މެމްބަރު އަލީ އާޒިމް، ޔޫތު މިނިސްޓަރު އަހުމަދު މަހުލޫފާ ސުވާލު ކުރައްވައިފިއެވެ.
އާޒިމް މިގޮތަށް ސުވާލު ކުރެއްވި ސަރުކާރާއި މަޖިލީސް އަދި ކޯޓުތަށް ކުޅިވަރުގެ ތެރެއަށް ވަންނަނަމަ ކުޅިވަރުތަކުން ރާއްޖެ ސަސްޕެންޑް ކުރުމުގެ ފުރުސަތު ބޮޑުކަމަށް މަހްލޫފް ވިދާޅުވުމާ ގުޅިގެންނެވެ.
މި މައްސަލައާ ގުޅިގެން މިނިސްޓަރު މަހްލޫފު ދައްކަވާފައިވާ ވާހަކަތަކަށް ރައްދު ދެއްވައި އަލީ އާޒިމް ކުރެއްވި ޓުވީޓެއްގައި ވަނީ އިންޓަނޭޝަނަލް ޖަމިއްޔާތަކުން ރާއްޖެ ސަސްޕެންޑް ކޮށްފާނެއޭ ކިޔައި ގާނޫނާއި ގަވާއިދާ އެއްގޮތަށް ނޫޅޭ ފަރާތްތަކާ ދޭތެރޭ ފިޔަވަޅު ނާޅާނަމަ މި ހިނގަނީ ގާނޫނީ ދައުލަތެއްތޯ ސުވާލު ކުރައްވާފައެވެ.
މި އުސޫލަށް ބަލާނަމަ ފޭރުމާއި ވައްކަން އޯކޭ ދެއްތޯ.” އާޒިމް ސުވާލު ކުރައްވާފައި ވެއެވެ.
International jamiyyaathakun raaje suspend kohfaane ey kiyaa Qaanoonaa, qawaidhaa ehgothah noolhey faraaiythakaa dheytherey fiyavalhu naalhaa nama mi hinganee Qaanoonee dhaulathehbaa? Mi usoolun balaanama Feyrumaa, vahkan ves ok, dhehtho? https://t.co/7qtqvZQh97
— ???????????? ???????????????? (@aliaazim) September 8, 2020
އެފްއޭއެމްގެ އިންތިހާބުގެ މައްސަލާގައި ވެސް އާޒިމްގެ ބޮޑެތި ތުހުމަތުތަކެއް މަހުލޫފްގެ މައްޗަށް ވަނީ ކޮށްފައެވެ. އެކަމާ ގުޅިގެން މަހުލޫފްގެ އިތުބާރު ނެތްކަމުގެ ވޯޓު މަޖިލީހަށް ވައްދަން ވެސް އާޒިމް މީގެކުރިން ވަނީ މަސައްކަތްތަކެއް ކުރައްވާފައެވެ.
advertisment