ބޭންކް އޮފް މޯލްޑިވްސް(ބީއެމްއެލް)އިން ދައުލަތުގެ ވަގުވެރިންނަށް ފައިސާ ރައްކާ ކޮށްދީ ފައިސާ ރޯލްކުރުމުގެ ވަގު ވިޔަފާރީގައި ބައިވެރިވާ ކަމަށް ކެލާ ދާއިރާގެ މެމްބަރު އިބްރާހިމް ޝަރީފް(އިބްރޭ) ތުހުމަތު ކުރައްވައިފިއެވެ.
އިބްރޭ މިއަދު ކުރެއްވި ޓްވީޓެއްގައި ވިދާޅުވީ އަޅުގަނޑުމެން ބީއެމްއެލް ނޫން ގޮތެއް އެބަ ހޯދަން ޖެހޭ ކަމަށެވެ.
”އިގްތިސާދަށް ދަތިވާ ހަމަ ކޮންމެ ދަނޑިވަޅެއްގައި ބޭރު ފައިސާ ބޭންކުގެ މަސްލަހަތު އޮންނަ ފަރާތްތަކަށް ދީ ހުސްކުރޭ، ދައުލަތުގެ ވަގުވެރިންނަށް ފައިސާ ރައްކާކޮށްދީ ފައިސާ ރޯލް ކުރުމުގެ ވަގު ވިޔަފާރީގައި ބައިވެރިވޭ.“ އިބްރޭ ވިދާޅުވިއެވެ.
Bank of Maldives noon gotheh alhugandu men eba hoadhan jehijje, igthisoadhah dhathivaa hama konme dhadivalhehgai, beyrufaisaa bankge maslahath onna faraiy thakah dhee huskurey, dhaulathge vaguverin nan faisaa rahkaa kohdhee faisaa roll kumuge vaguviyafaareegai eba baiverivey'
— Ibrahim Shareef (kelaa dhaaira MP) (@kelaaibrey) September 14, 2020
ކޮވިޑް-19އާ ގުޅިގެން ރާއްޖޭގެ ޓޫރިޒަމް ހުއްޓިފައި އޮތުމުން ޑޮލަރު ލިބުން ތާށިވެ، އޭގެ އަގު، ކަޅު ބާޒާރުގައި ދިޔައީ މަތިވަމުންނެވެ. ރާއްޖެއިން ބޭރުން މުދާ އިމްޕޯޓު ކުރުމަށް ބޭނުންވާ ވަރާއި ގާތަށްވެސް ބީއެމްއެލް އިން ޑޮލަރު ނުލިބޭ ކަމަށް ބައެއް ވިޔަފާރިވެރިން ވަނީ ބުނެފައެވެ. އެކަމާ ގުޅިގެން ބީއެމްއެލް އިން ބުނީ ޑޮލަރުގެ ތާށިކަން ކުރިމަތިވެފައިވާ ކަމަށާއި އާންމުންނަށް ޑޮލަރު ފޯރުކޮށްދިނުމުގައި ކުރިއަށް އޮތްތާނގައި އިތުރަށް ދަތިވެދާނެ ކަމަށެވެ.
