މިއަދުން ފެށިގެން ބޭންކް އޮފް މޯލްޑިވްސް އިން ދޫކޮށްފައިވާ ހުރިހާ ޑެބިޓް އަދި ކްރެޑިޓް ކާޑުގެ ތެރެއިން ކޮންމެ ކާޑަކުން މަހެއްގެ މައްޗަށް ރާއްޖޭން ބޭރުގެ މުއާމަލާތް ކުރެވޭ އަދަދެއް ކަމުގައި 250 ޑޮލަރު ވަނީ ކަނޑައަޅާފަ އެވެ. ބީއެމްއެލްއިން ބުނީ ރާއްޖޭން ބޭރުގައި ދިރިއުޅޭ ދިވެހިންނަށް އެހީތެރިވުމުގެ ގޮތުން ބޭރުގައި ދިރިއުޅޭ ފަރާތްތަކަށް މަހެއްގެ މައްޗަށް 750 ޑޮލަރު ބޭނުން ކުރެވޭނެ ގޮތް ހަމަޖައްސައިފައިވާ ކަމަށެވެ.
ޝިޔާމް ވިދާޅުވީ ސަރުކާރުން ބީއެމްއެލް ވަރުބަލި ކުރަމުންދާތީ އިދިކޮޅުން އައީ އެ ވާހަކަ ތަކުރާރުކޮށް ދައްކަމުން ކަމަށެވެ. އަދި މި ހާލަތަށް ނުދާނެ ކަމުގެ ޔަގީން ކަން މަރުކަޒީ ބޭންކު، އެމްއެމްއޭގެ ގަވަރުނަރު އަލީ ހާޝިމް މީގެ ކުރިން ދެއްވި ކަމަށް ވެސް ޝިޔާމް ވިދާޅުވިއެވެ.
”މި ނާގާބިލް ސަރުކާރުން ރައްޔިތުންނަށް މިފަދަ ތަކުލީފެއް ޖައްސާފައި މިއަދު ރައީސް އިބްރާހިމް މުހައްމަދު ސޯލިހު އާއި އެމްއެމްއޭގެ ގަވަރުނަރު ވީތަނެއް ބަލަން އެބަޖެހޭ.“ ޝިޔާމް ވިދާޅުވިއެވެ.
Sarukaarun BML exhaust kuramun dhaathee evahaka alhugandumen thakuraarukoh dhakkamun aee. MMA Governor yageenkan dhevvamun dhiya mihaalathu naannaanekan. Mi naaqaabil sarukaarun rayyithunnah mifadha thakuleefeh jassafa miadhu @ibusolih aa MMA Governor veethaneh balan eba jehey. pic.twitter.com/eKqAcePP2b
— Ahmed Shiyam (@Shiyamaldives) September 16, 2020
ބީއެމްލްއިން ބުނީ ބޭރުގައި މުއާމަލާތް ކުރެވޭ އަދަދު މިވަގުތު ލިމިޓް ކުރަން މަޖުބޫރުވީ ރާއްޖެއަށް މިހާރު ދިމާވެފައިވާ ޑޮލަރު މަދުވުމުގެ މައްސަލަ ހައްލު ކުރުމުގެ ގޮތުން ރާއްޖޭން ބޭރަށްދާ ޑޮލަރުގެ އަދަދު މަދުކުރުމަށް ޓަކައި ކަމަށެވެ. އަދި މިހާރު ހުރި ޑޮލަރު ކޮންމެހެން ޒަރޫރީ ކަންކަމަށް ބޭނުން ކުރުމުގެ މުހިންމުކަން މިވަގުތަށް ބޮޑުވެފައިވާ ކަމަށް ވެސް ބީއެމްއެލްއިން ބުންޏެވެ.
