ކޮވިޑާ ގުޅިގެން ދަރުބާރުގޭގައި ގާއިމް ކުރި ނޭޝަނަލް އެމަޖެންސީ އޮޕަރޭޝަން ސެންޓަރު (އެންއީއޯސީ) ގައި ތިބި ހާހެއްހާ މީހުނަށް މަސް ދުވަހުގެ ކެއުމުގެ ހަރަދަށް 5.9 މިލިއަން ރުފިޔާ ދިއުމަކީ ބޮޑު އަދަދެއް ނޫން ކަމަށް، އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ(އެންޑީއެމްއޭ) އިން ކުރި ކޮވިޑް-19އާ ގުޅިގެން ކުރި ހަރަދުތަކުގެ ކޮމްޕްލަޔަންސް އޮޑިޓް ރިޕޯޓުގައި ވާ ގޮތުގައި ދަރުބާރުގޭގައި ބޭއްވި ކެއުންތަކަށް 5.9 މިލިއަން ރުފިޔާ ހޭދަވެފައިވެއެވެ. އެއީ މަހެއްގެ މައްޗަށް 1،457،719 ރުފިޔާއެވެ.
މިކަން ދިފާއުކުރައްވައި ރޮޒެއިނާ ވިދާޅުވީ 1700 މީހުން ދަރުބާރުގޭގައި މަސައްކަތް ކުރިއިރު އެތައް މަހެއް ވަންދެން އެތައް ސަތޭކަ މީހުންގެ ކެއުމަށް ތިވަރު ބޮޑު ނޫން ކަމަށެވެ. އަދި ދުވާލަކު ބޮލަކަށް ނަގާފައިވަނީ 160 ރުފިޔާ ކަމަށްވެސް ރޮޒެއިނާ ވިދާޅުވިއެވެ.
“މި އުޅެނީ 8000 ރުފިޔާ ނަގައިގެން ރިހާކުރު ބޯންދީގެނެއް ނޫން” ރޮޒެއިނާ ވިދާޅުވިއެވެ.
1700 meehun dharubaarugeyga masakkaiy kuri iru ethah maheh vandhen ethah satheyka meehunge keumah thivaru bodeh noon! Dhuvaalaku Rf160 bolakah negee.
Mi ulhenee Rf 8000 bolakah nagaigen rihaakuru dhiya boandheegenneh noon! https://t.co/PEsUY9HDvN— ???????? ???????????????????????????? ???????????????? ???? (@Roxeyna) September 17, 2020
އަދ އެތައް މަހެއް ވަންދެން އަނބިދަރިންނާއި ދުރުގައި ހޭބޯ ނާރާ ދިވެހި ރައްޔިތުންގެ ހިދުމަތުގައި އެތައް މަސައްކަތެއް ކޮށްދިން ބަޔަކަށް ކާ އެތިކޮޅެއް ދީގެން އެކަމާ ކަންބޮޑުވެގެން ވާހަކަ ދައްކަން ލަދުގަންނަންޖެހޭ ކަމަށްވެސް ރޮޒެއިނާ ވިދާޅުވިއެވެ.
އެގޮތުން ގިނަ މީހުން އެތަނުގައި މަސައްކަތް ކުރީ ވެސް ވޮލެންޓިއަރުންގެ ގޮތުގައި ކަމަށާއި އެމީހުން ކުރި މަސައްކަތުގެ އަގު ވަޒަން ނުކުރިތާ، ކާ އެއްޗެއް ކެއުމުން ވަގަށް ގޮވުން މީ ވަރަށް ދަށު ދަރަޖައިގެ އަމަލެއް ކަމަށްވެސް ރޮޒެއިނާ ވިދާޅުވިއެވެ.
“މި އުނދަގޫ ދަތި ވަގުތު ގައުމަށް ހިދުމަތް ކޮށްދޭން ނުކުތް ހުރިހާ ބޭފުޅުންނަށް އަޅުގަނޑުގެ ހިތުގެ އަޑިން ފަށްފަށުން ޝުކުރު ދަންނަވަން. ތި ހުރިހާ ބޭފުޅުންނަށް ގައުމީ ހިދުމަތުގެ އިނާމު ހައްގު،” ރޮޒައިނާ ވިދާޅުވިއެވެ.
advertisment
One Response
ހިސާބު ނުބައި. މަހަކަށް 1.4މ ވެއްޖެއްޔާ ދުވާލަކަށް 48,000ރ. ވަނީ. 1,700 މީހުން ވެއްޖެއްޔާ ބޮލަކަށް ދުވާލަކަށް 28ރ. ެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެމާނާއާކީ 3 އިރު ބޮލަކަށް 9ރ. ހިލޭތަ ކާންދިނީ؟ އެއްޗެއް ޕްރޫފް ކޮށްދެން ވެސް ގަބޫލު ކުރެވޭ އެއްޗެއް ދޯ ބުނަންވާނީ.