ސަރުކާރުގެ ނުބައި ވިސްނުމަކީ ތިން މަހަށް ފަހު އިންޑިއާ-ރާއްޖެ ކާގޯ ފެރީ ޕެސެންޖާ ފެރީ އަކަށް ބަދަލު ކުރުން ކަމަށް ނައިފަރު ދާއިރާގެ މެމްބަރު އަދި ޕީޕީއެމްގެ ނައިބް ރައީސް އަހުމަދު ޝީޔާމް ވިދާޅުވެއްޖެއެވެ.
ޝިޔާމް ކުރެއްވި ޓްވީޓެއްގައި ވިދާޅުވީ ސަރުކާރުގެ ނުބައި ވިސްނުމަކީ ބޮޑު ތިލަދުންމަތީގެ އުފެއްދުންތައް ފުރަތަމަ ތިން މަސް ދުވަހު ކޮންމެވެސް މިންވަރަަކަށް ފެރީ މެދުވެރިކޮށް އެކްސްޕޯޓް ކުރުން ކަމަށެވެ. އަދި ފެރީގައި ގެންނަ މުދާ ބާޒާރުގެ އަގަށްވުރެ 35 އިންސައްތަ ކުޑަ އަގުގައި ވިއްކުމަށްވެސް ސަރުކާރުން ނިންމާފައިވާ ކަމަށް ޝިޔާމް ވިދާޅުވިއެވެ.
“3 މަހަށް ފަހު ކާގޯ ފެރީ ބަދަލުވާނީ ޕަސެންޖާ ފެރީ އަކަށް.” ޝިޔާމް ވިދާޅުވިއެވެ.
Sarukaaruge nubai visnumakee Boduthiladhunmatheege ufehdhunthah furathama 3mas kommeves varakah export kurun adhi India in genna cargo furathama 3 mas baazaruge wholesale aguge 35% dhahkoh viyafariverinnah foarukohdhinun. 3mahah fahu cargo ferry badhaluvanee passenger ferry akah.
— Ahmed Shiyam (@Shiyamaldives) September 21, 2020
ކޮޗިނަށް ފަށާ ފެރީއަކީ ރާއްޖެ އާއި އެހެން ގައުމަކާ ދެމެދު ކަނޑު ހުރަސްކޮށް ޝެޑިއުލް ފެރީގެ ހިދުމަތް ފަށާ ފުރަތަމަ ފަހަރެވެ. އެ ހިދުމަތް ކުރިއަށް ގެންދަން ނިންމާފައި ވަނީ ކޮޗިން – ކުޅުދުއްފުށި – މާލެ އާ ދެމެދުގައި ކަމަށް ސަރުކާރުން ވަނީ ބުނެފަ އެވެ.
“އެމްސީޕީ ލިންޒް” ނަމަކަށް ކިޔާ އެ ބޯޓު ޓުޓިކޯރިން އިން ފުރައިގެން މިއަދު ކޮޗިން ބަނދަރަށް ކައިރި ކުރުމަށް ފަހު ރާއްޖެއަށް ދަތުރު ފަށާނެ އެވެ. މި ހިދުމަތުގެ ދަށުން އަންނަ ފުރަތަމަ ކާގޯ ފެރީ ކުޅުދުއްފުށްޓަށް ކައިރިކުރަނީ އަންނަ ހޮނިހިރު ދުވަހެވެ. އޭގެ ތިން ދުވަސް ފަހުން މާލެއަށް ވަނުމަށް ތާވަލު ކޮށްފައިވާއިރު، އެ ބޯޓު ރާއްޖޭން ފުރާނީ 10 ދުވަސް ފަހުންނެވެ.
advertisment