މަސްތުވެގެން މާލޭގެ މަގުމައްޗަށް ވެއްޓިފައި އޮތްވާ ރޭ ފުލުހުންގެ ހައްޔަރަށް ގެންދިޔަ އިންޑިއާ މީހާ ކޯޓުން މިއަދު ދޫކޮށްލައިފިއެވެ.
ފުލުހުން ބުނީ އޭނާގެ ބަންދާއި މެދު ގޮތެއް ނިންމުމަށް މިއަދު ކްރިމިނަލް ކޯޓަށް ގެންދިޔުމުން ކޯޓުން ވަނީ އޭނާ ބަންދުން ދޫކޮށްލާފައި ކަމަށެވެ.
ބަންދުން ދޫކޮށްލި ނަމަވެސް އޭނާގެ މައްސަލަ ތަހުގީގު ކުރަމުންދާ ކަމަށް ފުލުހުން ބުނެއެވެ.
އެ މީހާ ވެއްޓިފައި އޮތީ މާލޭގެ އަބަދަށް ފެހި މަގަށެވެ. އެ މީހާ ވެއްޓިފައި އޮތް އިރު އޭނާ ވަނީ އިސްލާމްދީނަށާއި މާތްﷲ ފުރައްސާރަކޮށް ވެސް ވާހަކަތަކެއް ދައްކާފައެވެ. އެ ވަގުތު އެ ސަރަހައްދުގައި ގިނަ ބަޔަކު ތިއްބެވެ.